ايماقتار • 29 قازان، 2020

ەكىنشى تولقىنعا باتىس قازاقستان دايىن با؟

53 رەت كورسەتىلدى

باتىس قازاقستان وبلىسىنا جۇمىس ساپارىمەن كەلگەن قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ ءوڭىردىڭ COVID-19 تۋىنداۋى مۇمكىن ەكىنشى تولقىنىنا دايىندىعىمەن تانىستى، دەپ حابارلايدى Egemen.kz.

سۋرەتتى تۇسىرگەن رافحات حالەلوۆ

مەملەكەت باسشىسىنىڭ تاپسىرماسىنا سايكەس وڭىرلەردىڭ ەپيدەميولوگيالىق جاعدايىمەن جانە كوروناۆيرۋس ينفەكتسياسىنىڭ ەكىنشى تولقىنىنا دايىندىعىمەن تانىسىپ جۇرگەن ەرالى توعجانوۆ باتىس قازاقستان وبلىسىنداعى جۇمىس ساپارىن قازاقستان مەن رەسەي فەدەراتسياسى اراسىنداعى شەكارادان باستادى.

باتىس قازاقستان وبلىسى رەسەيدىڭ بەس گۋبەرنياسىمەن شەكتەسەدى. وسى شەكارا بويىندا 9 وتكىزۋ بەكەتى بار. رەسەي تاراپىنان باتىس قازاقستان شەكاراسىنا ورتا ەسەپپەن ايىنا 50 مىڭداي كولىك، 80 مىڭنان اسا ادام وتەدى ەكەن. وسى حالىق اعىنى ەڭ كوپ وتەتىن سىرىم شەكارا بەكەتىنىڭ جۇمىسىمەن تانىسقان ەرالى توعجانوۆ covid-19 ينفەكتسياسىنان قورعانۋ شارالارىنىڭ قالاي ۇيىمداستىرىلعانىن تەكسەردى.

47

سوڭعى اپتادا رەسەي فەدەراتسياسىندا ءبىر تاۋلىكتە كوروناۆيرۋس ينفەكتسياسى انىقۇتالعان ادامداردىڭ سانى 16-17 مىڭنان تۇسپەي تۇر. وسىعان وراي شەكاراداعى ساقتىقتى كۇشەيتۋ قاجەتتىگى كۇن تارتىبىندە تۇر. بۇگىندە قولىندا پتر تەست انىقتاماسى جوق شەتەل ازاماتتارىنا قازاقستان شەكاراسىنان وتۋگە تىيىم سالىنعان. حالىقارالىق جۇك تاسىمالىمەن اينالىساتىن ترانزيتتىك جۇك كولىكتەرىنىڭ جۇرگىزۋشىلەرى تەك انكەتا تولتىرىپ، وزدەرى تۋرالى مالىمەتتى قالدىرادى دا شەكارادان وتە بەرەدى. ال ەلگە قايتقان ءوز وتانداستارىمىزدى تەكسەرۋ ءۇشىن ارنايى زەرتحانا اشىلعان.

25

كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ جەتەكشىسى ەرالى توعجانوۆ بۇدان كەيىن ورال قالاسىنداعى كوپبەيىندى اۋرۋحاناسىندا بولىپ، ءوڭىردىڭ COVID-19 ەكىنشى تولقىنىنا دايىندىعىمەن تانىستى. ەلىمىزدە كوروناۆيرۋس جۇقپاسىنىڭ العاشقى تولقىنى كۇشەيىپ تۇرعان كەزىندە وبلىستا جەدەل جاردەم كولىكتەرى مەن وكپەنى جاساندى جەلدەتەتىن قۇرىلعىلار تاپشى بولعانى بەلگىلى. مەملەكەت باسشىسىنىڭ تاپسىرماسىمەن ورال قالالىق جانە 9 اۋداندىق مەديتسينا بولىمدەرى سۋ جاڭا كولىككە يە بولدى. 20 رەانيموبيل ورال قالالىق جەدەل جاردەم ستانساسىنا بەرىلسە، 9 جىلجىمالى مەديتسينالىق-دياگنوستيكالىق ااۆتوكەشەن اقجايىق، بوكەي ورداسى، ءبورلى، جاڭاقالا، جانىبەك، تەرەكتى، تاسقالا، قاراتوبە جانە شىڭعىرلاۋ اۋداندارىنا – شالعاي اۋىل تۇرعىندارىنا ۋاقىتىلى ساپالى مەديتسينالىق قىزمەت كورسەتۋگە اتتاندى.

"دارىگەرلەر قاۋىمىنا، اسىرەسە ۇنەمى قاۋىپتى دەرتپەن كۇرەستە العىشەپتە جۇرەتىن جەدەل جاردەم قىزمەتكەرلەرىنە جانقيارلىق ەڭبەكتەرىڭىز ءۇشىن كوپ-كوپ راحمەت ايتامىز! بۇگىن تابىس ەتىلىپ وتىرعان تەحنيكا – ەلگە، حالىققا جاسالعان قامقورلىق. قازاقستان پرەزيدەنتى قاسىم-جومارت كەمەل ۇلىنىڭ تىكەلەي تاپسىرماسىمەن وسىنىڭ ءبارى ءوز ەلىمىزدە جاسالۋدا. كۇنى بۇگىن 1157 كولىك جاسالىپ، قازاقستاننىڭ بارلىق وبلىسىنا بەرىلىپ جاتىر"، دەدى ەرالى توعجانوۆ «جەدەل جاردەم» قىزمەتكەرلەرىمەن كەزدەسۋدە.

12

سوڭعى ۇلگىدەگى جابدىقتارمەن جاراقتالعان ءبىر رەانوموبيلدىڭ قۇنى شامامەن 34 ملن تەڭگە بولادى ەكەن. مۇندا ناۋقاستىڭ جاعدايىن دەرەۋ انىقتايتىن مونيتور، وكپەنى جاساندى جەلدەتەتىن گەرمانيالىق قوندىرعى، وتتەگى بالوندارى، بەينەباقىلاۋ كامەراسى بار. س كاتەگوريالى سانيتارلىق كولىكتەر سىيىمدىلىعى 2 ليترلىك وتتەگى باللونىمەن جابدىقتالعان، ول وتتەگى 7-8 ساعات بويى تىنىس الۋعا جەتەدى ەكەن. ءتىپتى ول تاۋسىلعان جاعدايدا وسى كولىكتىڭ ىشىندە بالوندى قايتا تولتىرىپ الۋعا مۇمكىندىك بار. جۇرگىزۋشى كولىككە ناۋقاستى كىرگىزىپ-شىعاراتىن ەسىكتى ءوز ورنىنان باسقارىپ، اشىپ-جابا الادى. ياعني ناۋقاسپەن قارىم-قاتىناس جاسامايدى. بۇل دەگەنىڭىز ۆيرۋس جۇقتىرۋ قاۋپى ازايادى دەگەن ءسوز.

وتاندىق كاسىپورىن قۇراستىرىپ شىعارعان جىلجىمالى مەديتسينالىق-دياگنوستيكالىق كەشەن تسيفرلىق قوندىرعىلارمەن جابدىقتالعان جەتى كابينەتتەن تۇرادى. كەز كەلگەن جەردە قىزمەت كورسەتە الاتىن كەشەندى شاعىن اۋرۋحانا دەۋگە بولادى. الىس اۋدانعا، شالعاي اۋىلعا بارعان بۇل كەشەن تۇرعىنداردى قالاعا سابىلتپاي، ءبىر جەردەن تەكسەرىپ، دياگنوستيكا جاسايدى.

36

"كوروناۆيرۋستىڭ ەكىنشى تولقىنىنا توتەپ بەرۋ ءۇشىن ءبىزدىڭ قالالىق كوپبەيىندى اۋرۋحانا ءتيىستى دايىندىق جاسادى. قاجەت بولعان جاعدايدا 450-گە جۋىق ناۋقاستى قابىلداي الامىز. ەكى ايعا جەتەتىن ءدارى-دارمەك پەن قوسىمشا جابدىقتارىمىز بار"، دەدى ورال قالالىق كوپبەيىندى اۋرۋحانا ديرەكتورى ارمان قاليبەكوۆ ۆيتسە-پرەمەرگە اۋرۋحانانىڭ دايىندىعىن تانىستىرىپ.

ۆيتسە-پرەمەر ورال قالاسىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندە جەدەل كەڭەس وتكىزدى. باتىس قازاقستان وبلىسى اكىمىنىڭ ورىنباسارى ايدار نۇراليەۆ وڭىردە كوروناۆيرۋستىڭ ەكىنشى تولقىنىن قارسى الۋ ءۇشىن ءدارى-دارمەكتىڭ ەكى ايلىق، قورعانىش قۇرالدارىنىڭ ءبىر جارىم ايلىق قورى بار ەكەنىن ايتتى. اۋرۋحانالاردا 518 توسەك ورىن دايىندالعان. قوسىمشا 2244 توسەك اشۋعا مۇمكىندىك بار.

9

"باتىس قازاقستان وبلىسىنىڭ جاعدايى قۇدايعا شۇكىر، جامان ەمەس. ءبىز قيىن جاعدايلاردى باسىمىزدان وتكەردىك. ماۋسىم-شىلدە ايىنداعى وقيعالاردى ەشكىم ۇمىتا قويماعان بولار. ۇمىتقان ازاماتتار بولسا قايتا-قايتا ەسىنە سالۋ كەرەك. باسىندا اۋرۋدىڭ بارىنا سەنبەي جۇرگەندەر دە بولدى، كەيىن كەش ءتۇسىنىپ، وكىنىپ قالعاندار كەزدەستى. قازىر ەلىمىز قاجەتتى ءدارى-دارمەكپەن قامتاماسىز ەتىلدى، وڭىرلەرگە تولىق جەتكىزىلدى. دارىحانالارعا سك فارماتسيا ارقىلى قاراجات بولگىزىپ، قاجەت كەزىندە بولشەك ساۋداداعى جاعدايدى دا باقىلاپ وتىرۋعا مۇمكىندىك بار"، دەدى ءوز سوزىندە ەرالى توعجانوۆ.

كەڭەس قورىتىندىسىندا ەرالى توعجانوۆ ءوڭىر باسشىلىعىنا وبلىستاعى ەپيدەميولوگيالىق احۋالدى قاتاڭ قاداعالاۋدى، حالىقتى جانە مەديتسينالىق مەكەمەلەردى ءدارى-دارمەكپەن، وكپەنى جاساندى جەلدەتۋ قوندىرعىلارىمەن جانە وتتەگى كونتسەنتراتورلارىمەن قامتاماسىز ەتۋدى ەرەكشە باقىلاۋدا ۇستاۋدى تاپسىردى. سونداي-اق "ساق بول!" ءموبيلدى قوسىمشاسىنىڭ تيىمدىلىگىن حالىققا ءتۇسىندىرۋ قاجەتتەگىن ايتىپ ءوتتى.

25

بۇدان كەيىن ۆيتسە-پرەمەر ورال قالاسىندا سالىنىپ جاتقان 200 ورىندىق ءمودۋلدى اۋرۋحانا قۇرىلىسىمەن تانىستى.

"اۋىرىپ ەم ىزدەگەنشە، اۋىرمايتىن جول ىزدە" دەيدى حالىق دانالىعى. سوندىقتان دا كارانتين رەجيمىن ساقتاۋ قاجەتتىلىگى تۋرالى حالىق اراسىندا ءتۇسىندىرۋ جۇمىستارىن بارىنشا كۇشەيتۋ قاجەت. ۆيتسە-پرەمەر ءوڭىر باسشىسىنا ءجيى قايتالاپ تاپسىرعان ماسەلە وسى بولدى.

باتىس قازاقستان

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار