ايماقتار • 29 قازان، 2020

ورالدا "كۇمبىرلەگەن كۇمىس كۇي" بايقاۋى ءوتتى

135 رەت كورسەتىلدى

ورال قالاسىندا كۇيشى-كومپوزيتور داۋلەتكەرەي شىعاي ۇلىنىڭ 200 جىلدىعىنا، كورنەكتى ورىنداۋشى ناۋشا بوكەيحانوۆتىڭ 150 جىلدىعىنا ارنالعان "كۇمبىرلەگەن كۇمىس كۇي" رەسپۋبليكالىق دومبىراشىلار بايقاۋى ءوتتى، دەپ حابارلايدى Egemen.kz.

باتىس قازاقستان وبلىستىق حالىق شىعارماشىلىعى ورتالىعى ۇيىمداستىرعان كۇيشىلەر سايىسىنا الماتى قالاسىنان، اتىراۋ، باتىس قازاقستان، قىزىلوردا جانە ماڭعىستاۋ وبلىسىنان 14 ۇمىتكەر قاتىستى.

در

ەكى كۇنگە سوزىلعان بايقاۋ بارىسىندا دومبىراشىلار داۋلەتكەرەي، ناۋشا جانە قۇرمانعازى كۇيلەرىن ورىندادى. كۇيشىلەردى عاريفوللا قۇرمانعاليەۆ اتىنداعى باتىس قازاقستان وبلىستىق فيلارمونياسىنىڭ داۋلەتكەرەي اتىنداعى ۇلت اسپاپتار وركەسترى سۇيەمەلدەپ وتىردى. تانىمال دومبىراشى، قازاقستاننىڭ ەڭبەك سىڭىرگەن مادەنيەت قىزمەتكەرى ەرمەك قازيەۆ باستاعان قازىلار القاسى رەسپۋبليكالىق سايىستىڭ باس جۇلدەسىنە اتىراۋلىق جانىبەك جاميەۆءتى لايىق دەپ تاپتى. وعان 500 مىڭ تەڭگەجۇلدە بەرىلدى. الماتىلىق نازەركە بازارباەۆا 300 مىڭ تەڭگەلىك ءبىرىنشى سىيلىقتى جەڭىپ الدى.

داوا

اتىراۋ قالاسىنان كەلگەن قايرات جۇماعاليەۆ پەن الماتىلىق اقىلبەك بەكتاسوۆ ەكىنشى ورىندى ءبولىستى. ولارعا 150 مىڭ تەڭگەبۇيىردى. الماتىلىق ازامات شىناروۆ پەن ورالدىق نارگيزا كاسۋموۆا ءۇشىنشى ورىن يەگەرى اتانىپ، 75 مىڭ تەڭگەءنىڭ جۇلدەسىن قانجىعاعا بايلادى.

وسى سايىستىڭ ءبىر ەرەكشەلىگى قازاق كۇيىنىڭ التىن قورىنا ماحامبەت، قۇرمانعازى، ناقىش، ءمۇسىرالى، سوقىر ەسجان، قوجاق سەكىلدى كۇيشىلەردىڭ شىعارمالارىن قوسقاندومبىراشى، ماحامبەت اتىنداعى سىيلىقتىڭ يەگەرى وتەگەن جۇماشەۆتىڭ قۇرمەتىنە ارنايى سىيلىق تاعايىندالعان بولاتىن. جاقىندا عانا 90 جاستىڭ تورىنە شىققان قارت كۇيشى اتىنداعى 100 مىڭ تەڭگەلىك ارناۋلى سىيلىق قىزىلوردالىق باۋىرجان سەيدالىگە بۇيىردى. ورالدىق الىبەك قۋانىشاليەۆ پەن ادىلبەك قوداروۆ ديپلومانت اتاندى.

 

باتىس قازاقستان وبلىسى

 

سوڭعى جاڭالىقتار

ۇقساس جاڭالىقتار