«وتار» 40-اسكەري بازاسىنىڭ وقۋ ورتالىعىندا قازاقستان قارۋلى كۇشتەرىنىڭ كىشى ماماندارىن وقىتۋدىڭ كەزەكتى كۋرسى اياقتالدى.
دەنە دايارلىعى, مەملەكەتتىك-قۇقىقتىق جانە جاۋىنگەرلىك دايارلىق پاندەرى بويىنشا ەمتيحانداردى تابىستى تاپسىرعان كۋرسانتتار العان ماماندىقتارى بويىنشا ءارى قاراي كىشى كومانديرلەردىڭ لاۋازىمدارىندا قىزمەت اتقارۋ ءۇشىن اسكەري بولىمدەرگە جىبەرىلەتىن بولادى.
«وتار» 40-اسكەري بازاسىنىڭ وقۋ ورتالىعىندا قازاقستان قارۋلى كۇشتەرىنىڭ كىشى ماماندارىن وقىتۋدىڭ كەزەكتى كۋرسى اياقتالدى.
دەنە دايارلىعى, مەملەكەتتىك-قۇقىقتىق جانە جاۋىنگەرلىك دايارلىق پاندەرى بويىنشا ەمتيحانداردى تابىستى تاپسىرعان كۋرسانتتار العان ماماندىقتارى بويىنشا ءارى قاراي كىشى كومانديرلەردىڭ لاۋازىمدارىندا قىزمەت اتقارۋ ءۇشىن اسكەري بولىمدەرگە جىبەرىلەتىن بولادى.
كۋرستىق دايارلىقتان وتۋگە ىرىكتەپ الىنعان قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى جارتى جىل بويى ساۋ2س-3 وزدىگىنەن جۇرەتىن ارتيللەريالىق قوندىرعىنىڭ زەڭبىرەك كومانديرى, مەحانيك-جۇرگىزۋشىسى, مينومەت كومانديرى, بارلاۋ جانە نىسانا كورسەتۋ باستىقتارى, ءبولىمشە كومانديرى – توپوگەودەزيستەر, كوماندير-ەسەپتەۋشىلەر, جاياۋ ءاسكەر جاۋىنگەرلىك ماشيناسىنىڭ مەحانيك-جۇرگىزۋشىلەرى, كوزدەۋشى-وپەراتورلارى, بتر مەحانيك-جۇرگىزۋشىلەرى, ت-72 تانكىنىڭ مەحانيك جۇرگىزۋشىلەرى سياقتى ماماندىقتار بويىنشا دايىندىقتان ءوتتى.
كىشى كومانديرلەردى دايارلاۋ كەزىندە قارۋدىڭ ءار تۇرىنەن اتۋعا, جاۋىنگەرلىك ماشينالاردى جۇرگىزۋگە جانە كۋرسانتتاردىڭ دەنە دايارلىعىن دامىتۋعا ەرەكشە كوڭىل ءبولىندى.
وقۋ ورتالىعىندا دايارلىقتان وتكەن جاس كۋرسانتتار بىلىمدەرىن تەك جاۋىنگەرلىك دايارلىق پاندەرىمەن تولىقتىرىپ قانا قويماي, ءتۇرلى ءىس-شارالار بارىسىندا وزدەرىنىڭ سپورتتىق جانە شىعارماشىلىق قابىلەتتەرىن كورسەتۋگە مۇمكىندىك الدى. جاۋىنگەرلىك دايارلىق پاندەرى بويىنشا ەمتيحانداردان تابىستى وتكەن كۋرسانتتارعا كۋرستىق دايارلىقتى اياقتاعاندارى تۋرالى كۋالىكتەر بەرىلدى.
سالتاناتتى شارانىڭ سوڭىنا قاراي بارلىق قاتىسۋشىلارعا ارنالىپ گارنيزوندىق وفيتسەرلەر ۇيىندە كونتسەرت قويىلدى.
«ەگەمەن-اقپارات».
