قازاقستان-قىتاي شەكاراسىندا كونتراباندامەن كۇرەس كۇشەيدى. بۇل تۋرالى قر قارجى مينيسترلىگى كەدەندىك باقىلاۋ كوميتەتى توراعاسىنىڭ ورىنباسارى يگور تەن الماتى وبلىسى اۋماعىنداعى «قالجات» كەدەن بەكەتىندە مالىمدەدى. بۇگىنگى تاڭدا «بەكەت» اتتى جەدەل الدىن الۋ شاراسى اياسىندا شەكارالىق بولىمشە ارقىلى وتەتىن جۇكتەردى جانە يمپورتتىق زات تاسىمالدايتىن كاسىپكەرلەردىڭ قۇجاتتارىن كەدەنشىلەر مۇقيات تەكسەرۋدە. ناتيجەسىندە قحر-دان تولاسسىز وتكىزىلەتىن جۇك سايابىرسىپ, بۇرىن كۇن سايىن 100 كولىكپەن تاسىلاتىن قىتاي تاۋارى 30-عا ءتۇستى.
قازاقستان-قىتاي شەكاراسىندا كونتراباندامەن كۇرەس كۇشەيدى. بۇل تۋرالى قر قارجى مينيسترلىگى كەدەندىك باقىلاۋ كوميتەتى توراعاسىنىڭ ورىنباسارى يگور تەن الماتى وبلىسى اۋماعىنداعى «قالجات» كەدەن بەكەتىندە مالىمدەدى. بۇگىنگى تاڭدا «بەكەت» اتتى جەدەل الدىن الۋ شاراسى اياسىندا شەكارالىق بولىمشە ارقىلى وتەتىن جۇكتەردى جانە يمپورتتىق زات تاسىمالدايتىن كاسىپكەرلەردىڭ قۇجاتتارىن كەدەنشىلەر مۇقيات تەكسەرۋدە. ناتيجەسىندە قحر-دان تولاسسىز وتكىزىلەتىن جۇك سايابىرسىپ, بۇرىن كۇن سايىن 100 كولىكپەن تاسىلاتىن قىتاي تاۋارى 30-عا ءتۇستى.
ەلىمىزدەگى جاعدايدى تالداۋ بارىسىندا وسىعان دەيىن الماتى وبلىسى, ىلە اۋدانىندا ورنالاسقان «الاتاۋ» كەدەن بەكەتىنەن يمپورتتىق زات وتكىزۋ ءۇشىن 200 دەكلاراتسياعا تاپسىرىس بەرىلسە, قازىر بۇل كورسەتكىش ەكى ەسەگە تومەندەدى. بۇل زاڭسىز جولمەن شەتەلدىك تاۋار وتكىزۋدى توقتاتاتىن ۋاقىتتىڭ جەتكەنىن بىلدىرەدى. شىنى كەرەك, سوڭعى ۋاقىتتا جالعان قۇجات جاساپ يمپورتتىق زات وتكىزۋ جانە سول قۇجاتتارىندا سالىقتى از تولەۋ ءۇشىن تاسىمالدايتىن زاتتارىنىڭ اتىن وزگەرتىپ جازۋ سەكىلدى قىلمىستار جيىلەگەن. الماتى وبلىسى بويىنشا كەدەندىك باقىلاۋ دەپارتامەنتىنىڭ مالىمەتىنە سۇيەنسەك, سىبايلاسقان جەمقورلىق ارەكەتى ءۇشىن اتالعان دەپارتامەنتتىڭ 8 قىزمەتكەرى قىزمەتىنەن بوساتىلعان. جىل باسىنان بەرى 9 ملرد. تەڭگەنىڭ ەكونوميكالىق كونتراباندالىق ارەكەتىنىڭ جولى كەسىلىپ, بۇل فاكت بويىنشا 400 قىلمىستىق ءىس قوزعالعان.
نۇربول الدىباەۆ,
«ەگەمەن قازاقستان».
الماتى وبلىسى.
سۋرەتتى سالعان ايداربەك عازيز ۇلى.
