ايماقتار • 27 قازان، 2020

اتىراۋ وبلىسى اكىمىنىڭ ءبىرىنشى ورىنباسارى تاعايىندالدى

30 رەت كورسەتىلدى

ايداربەكوۆ سەرىك كەنعان ۇلى اتىراۋ وبلىسى اكىمىنىڭ ءبىرىنشى ورىنباسارى بولىپ تاعايىندالدى، - دەپ حابارلايدى Egemen.kz

اتىراۋ وبلىسىنىڭ اكىمى ماحامبەت دوسمۇحامبەتوۆ كانديداتۋراسى پرەزيدەنت اكىمشىلىگىمەن كەلىسىلگەن جاڭا ورىنباسارىن بۇگىن جەرگىلىكتى اكتيۆكە تانىستىردى.

ء"سىزدىڭ ەڭبەك جولىندا جيناقتاعان مول تاجىريبەڭىز بەن ءبىلىمىڭىز  جۇكتەلگەن مىندەتتەرىڭىزدى ناتيجەلى اتقارۋعا ىقپال ەتەرىنە سەنەمىن"،- دەگەن ايماق باسشىسى ماحامبەت دوسمۇحامبەتوۆ سەرىك ايداربەكوۆكە تابىس تىلەدى.

سەرىك ايداربەكوۆ 1975 جىلى  ماڭعىستاۋ وبلىسىنىڭ جاڭا-وزەن قالاسىندا دۇنيەگە كەلگەن. ءبىلىمى جوعارى.

1996 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، 1998 جىلى قازاق مەملەكەتتىك ۇلتتىق ۋنيۆەرسيتەتىن، 1999 جىلى  ە.ماتتەي اتىنداعى جوعارى مەكتەپتى (ميلان قالاسى، يتاليا)، 2004 جىلى ق.ساتباەۆ اتىنداعى قازاق ۇلتتىق-تەحنيكالىق ۋنيۆەرسيتەتىن اياقتاعان. ەكونوميكا عىلىمدارىنىڭ كانديداتى.

ەكونوميست، تاۋ كەن ينجەنەرى-مۇنايشى ماماندىقتارىن مەڭگەرگەن سەرىك ايداربەكوۆ  ەڭبەك جولىن الماتى قالاسىندا ينۆەستيتسيالىق ساياسات دەپارتامەنتىنىڭ جەتەكشى ماماندىعىنان باستادى.

ءار جىلدارى "قازاقويل" جاق ۇلتتىق مۇناي كومپانياسىنا جوبالاردى باسقارۋ دەپارتامەتىنىڭ بىرلەسكەن باسقارۋ سەكتورىنىڭ اعا تالداۋشىسى، قر پرەمەر-مينيستر كەڭسەسىنىڭ ونەركاسىپ جانە ينفراقۇرىلىم وندىرىستىك ءبولىمىنىڭ كەڭەسشىسى، «Agip KCO» كومپانياسى، گااگا قالاسى (نيدەرلاندى) قازاقستاندىق ۇلەسىن دامىتۋ جونىندەگى دەپارتامەنتىنىڭ ەكسپەريمەنتالدىق باعدارلاما جوباسىندا قازاقستاندىق ۇلەسىن دامىتۋ جونىندەگى كەڭەسشىسى، مەنەدجەرى ء(بولىم باستىعى)، "كاسپيان ەنەردجي رەسەرچ" جشس بيزنەستى دامىتۋ جونىندەگى ديرەكتورى، "پاۋەركومم" جشس باس ديرەكتورى، "سامۇرىق" مەملەكەتتىك اكتيۆتەردى باسقارۋ جونىندەگى قازاقستاندىق حولدينگتىڭ مۇناي-گاز اكتيۆتەرىن باسقارۋ جونىندەگى توپتىڭ باس ساراپشىسى، پرەمەر-مينيستر كەڭەسشىسى، پرەمەر-ءمينيسترى كەڭسەسى يندۋستريالدى-يننوۆاتسيالىق دامۋ ءبولىمىنىڭ مەڭگەرۋشىسى، اتىراۋ وبلىسى اكىمىنىڭ ورىنباسارى، اتىراۋ قالاسىنىڭ اكىمى، پرەزيدەنت اكىمشىلىگىنىڭ مەملەكەتتىك ينسپەكتورى، پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمى مەڭگەرۋشىسىنىڭ ورىنباسارى لاۋازىمدارىندا بولدى.

اتىراۋ وبلىسى اكىمىنىڭ ءبىرىنشى ورىنباسارلىعىنا تاعايىندالعانعا دەيىن سەرىك ايداربەكوۆ قازاقستان رەسپۋبليكاسى پارلامەنتى ءماجىلىسى اپپاراتىنىڭ باسشىسى لاۋازىمىندا بولعان.

ەڭبەك جولىنداعى تابىستارى ءۇشىن "قۇرمەت" وردەنىمەن ناگرادتالعان سەرىك ايداربەكوۆ اعىلشىن، يتاليان تىلدەرىن جەتىك مەڭگەرگەن.

سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار