دەپارتامەنت باستىعىنىڭ ورىنباسارى, كاپيتان جاسۇلان ساتىبالديەۆتىڭ ايتۋىنشا, ماقسات – مەملەكەت باسشىسىنىڭ جولداۋىن ىسكە اسىرۋ, ازاماتتارعا مەملەكەتتىك قىزمەتتەردى الۋ كەزىندە قولايلى جاعداي جاساۋ, سىبايلاس جەمقورلىقتىڭ الدىن الۋ. جوبالىق توپتىڭ قۇرامىندا دەپارتامەنتتىڭ اسكەري ەسەپكە الۋ, شاقىرۋ, كادر جۇمىسى جانە قارجى قىزمەتى ماسەلەلەرى جونىندەگى اسكەري قىزمەتشىلەرى مەن ازاماتتىق پەرسونال ماماندارى بار.
جوبالىق كەڭسەنىڭ تالابىنا سايكەس, كەزەكشى كەلۋشىنى تىكەلەي قابىلداۋدى جۇزەگە اسىراتىن كەڭسە جەتەكشىسىنە حابارلايدى. تۇرعىندار ساۋالىنا جاۋاپ بەرەتىن جوبالىق توپتىڭ ماماندارىن شاقىرادى.
"كەڭسە قۇرامىندا نەگىزگى ماسەلەلەر بويىنشا لاۋازىمدىق تۇلعالار دا بار. ولار ءوڭىر تۇرعىندارىنىڭ اسكەري سالاداعى سۇراقتارىنا جەدەل, ۋاقىتىلى جانە شىنايى جاۋاپ بەرۋگە دايىن. تۇرعىندار ساۋالىنا وراي ناقتى شەشىمدەر قابىلدانادى", دەيدى جوبالىق كەڭسەنىڭ باسشىسى, اتىراۋ وبلىسىنىڭ قورعانىس ىستەرى جونىندەگى دەپارتامەنتى باستىعىنىڭ ورىنباسارى, كاپيتان جاسۇلان ساتىبالديەۆ.
