نۇر-سۇلتان كوشەلەرىندەگى ارت-ونەر گالەرەياسى قازاقستاندىق جانە شەتەلدىك سۋرەتشىلەردىڭ تۋىندىلارىنا باي. قالاداعى ەرەكشە مۋرالدارعا ەلوردا اكىمدىگىنىڭ رەسمي سايتى انىقتاپ, شولۋ جاساعان ەدى.
"عارىش ورتاسى" مۋرالى. وسى جازدا ەلورداداعى قابانباي باتىر داڭعىلىندا دوڭگەلەك الاڭنىڭ كوپىر بولىگىندە پايدا بولدى. جۇمباق عالام, زەرتتەلمەگەن پلانەتالار مەن عارىشتىق دەنەلەر بۇل جەرگە ەرەكشە اتموسفەرا سىيلايدى.
قازاقتىڭ ۇلى اقىنى اباي قۇنانباەۆتىڭ پورترەتى اباي داڭعىلىندا ورنالاسقان كوپقاباتتى ءۇيدىڭ ءسانىن كەلتىردى. بۇل جۇمىس اقىننىڭ 175 جىلدىعىنا وراي بايقوڭىر اكىمدىگىنىڭ قولداۋىمەن سالىندى.
كوروناۆيرۋسپەن كۇرەستە الدىڭعى شەپتە جۇرگەن مەديتسينا قىزمەتكەرلەرىنە ارنالعان ء"بىز بىرگەمىز" مۋرالى. كومپوزيتسيا سارىارقا جانە جانگەلدين كوشەلەرىنىڭ قيىلىسىندا ورنالاسقان تۇرعىن ءۇيدىڭ قاسبەتىندە بەينەلەنگەن.
ەلورداداعى تۇرعىن ۇيلەردىڭ بىرىندە ورىندالعان "يلليۋستراتسيا" كەيىپكەرلەر گالەرەياسىن سۋرەتشى الەكساندرا كالاچەۆا 2018 جىلى Urban Fest Astana اياسىندا بەينەلەگەن. قاسبەتكە سالىنعان سۋرەتتەردە قالا تۇرعىندارىنىڭ كۇندەلىكتى ءومىرى بەينەلەنگەن.
ازىربايجاندىق سۋرەتشى سامير سالاحوۆتىڭ "دالاداعى ءتۇس” ستريت-ارتىندا (مولداعۇلوۆا كوشەسىندەگى ۇيدە) بارىس پەن اقبوكەن بەينەلەنگەن.
ەسەنبەرلين كوشەسىندەگى ۇيدە ورنالاسقان Zmogk-تىڭ "تاريح" مۋرالى. بۇل مۋرالدىڭ جارقىن تۇستەرى كوز تارتادى. سۋرەتتە تاريحي وقيعالاردى قاعازعا ءتۇسىرىپ وتىرعان قىز بەينەلەنگەن.
ەۆگەني Ches-ءتىڭ "تابيعات تاقىرىبىنداعى كوللاجى" بەتون ۇيلەر, شىنى عيماراتتارمەن استاسقان قالالىق كورىنىسكە تابيعات موتيۆتەرىن ارالاستىرادى.
