بۇل شەشىم قاتاڭ كارانتين شەكتەۋلەرىن ەنگىزۋ ءۇشىن قۇقىقتىق بازانى قۇرۋ ماقساتىندا قابىلدانعان. توتەنشە جاعداي رەجيمى كەم دەگەندە ەكى اپتاعا سوزىلادى.
ونى ارى قاراي سوزۋ ءۇشىن, يسپانيا كونستيتۋتسياسىنا سايكەس, ۇكىمەتتىڭ شەشىمى قاجەت. پرەمەر-مينيستر پەدرو سانچەستىڭ سوزىنشە, ول ۇكىمەت توتەنشە جاعداي رەجيمىن 9 مامىرعا دەيىن سوزۋعا رۇقسات بەرەدى دەگەن ۇمىتتە, سەبەبى بۇگىندە "ەۋروپا مەن يسپانيا پاندەميانىڭ ەكىنشى تولقىنىنىڭ ورتالىعى".
پاندەميا باستالعالى بەرى دۇنيە جۇزىندە ناۋقاستار سانى 43 ميلليونعا جەتتى, ونىڭ ىشىندە, 1,1 ميلليون ادام قايتىس بولدى. 31 ميلليونعا جۋىق ادام اۋرۋدان ايىققان.
يتاليادا 26 قازاننان 24 قاراشاعا دەيىن سپورت زالدارى, باسسەيندەر, ويىن زالدارى, كينوتەاترلار مەن تەاترلار, سپا جانە جىلۋ ورتالىقتارى جابىلادى.
ۆەنەسۋەلا كوروناۆيرۋستى جوياتىن ءدارى-دارمەكتىڭ اشىلعانى تۋرالى حابارلادى.
ۆەنەسۋەلا باسشىسى نيكولاس مادۋرو ءوز ەلىنىڭ عالىمدارى كوروناۆيرۋستىڭ ءتيىمدى ەمىن ويلاپ تاپقانىن ايتتى. مادۋرونىڭ ايتۋىنشا, "كوروناۆيرۋستى جوياتىن ءدارى" "س گەپاتيتىن, ادام پاپيللوماۆيرۋسىن جانە ەبولا ۆيرۋسىن ەمدەۋ ءۇشىن قولدانىلاتىن DR10 مولەكۋلاسىنا" نەگىزدەلگەن. الداعى كۇندەرى ەلىمىز دۇنيەجۇزىلىك دەنساۋلىق ساقتاۋ ۇيىمىنا (ددسۇ) ۆەنەسۋەلانىڭ عىلىمي زەرتتەۋلەر ينستيتۋتى جۇرگىزگەن جۇمىستىڭ ناتيجەلەرىن بەرەدى.
سانكت-پەتەربۋرگتە كوروناۆيرۋستىق ينفەكتسيامەن كۇرەسۋدىڭ جاڭا شارالارى كۇشىنە ەندى, وعان سايكەس مەيرامحانالار, كافەلەر مەن بارلارعا تۇندە جۇمىس ىستەۋگە تىيىم سالىندى.
ۋكراينا ۇكىمەتى كوروناۆيرۋستىڭ تارالۋىنا بايلانىستى كۇندىزگى وتىرىستاردان باس تارتتى. ونلاين-رەجيمدەگى جۇمىس ەپيدەميولوگيالىق جاعداي ناشارلاعان جاعدايدا ۇكىمەتتىڭ ۇزدىكسىز جۇمىس ىستەۋ مۇمكىندىگىن قامتاماسىز ەتۋى ءتيىس.
