الەم • 26 قازان، 2020

Huawei ءوندىرىسى كەدەرگىگە ۇشىرادى

20 رەت كورسەتىلدى

قىتايلىق Hua­wei اقش سانك­تسيا­لارىنا قاراماستان، ءوندىرىستى جالعاستىرۋ ءۇشىن قولدان كەلگەننىڭ ءبارىن جاساپ جاتقانىن ايتقان.

بۇل كومپانيا – دونالد ترامپتىڭ ۇلتتىق قاۋىپسىزدىككە قاتىستى كۇدىگىنە ىلىككەن قىتاي بيزنەستەرىنىڭ ءبىرى. تەلەفون ءوندىرۋشىسى قىركۇيەك ايىندا اقش-تىڭ ساۋدا-ساتتىق تۋرالى تىيىمى كۇشىنە ەنگەنگە دەيىن ميكروچيپتەردىڭ قورىن جيناۋمەن اينالىسقان. سەبەبى تەحكومپانيا ءوز سمارتفوندارىنا اقش تەحنولوگياسىمەن جاسالعان چيپتەردى قولدانادى. ەندى الداعى ۋاقىتتا سانكتسيا­نىڭ كەسىرى تەلەفون وندىرىسىنە ايتارلىقتاي كەدەرگى بولايىن دەپ تۇر. ودان بولەك پاندەميا كەزىندەگى قيىندىق تاعى بار.

وتكەن جىلى اقش ۇكىمەتى شەنچجەن قالاسىندا ورنالاسقان Huawei كومپانياسىن ءوزىنىڭ قارا تىزىمىنە ەنگىزىپ، باسقا ەلدەرگە دە Huawei-ءدى كەلەسى بۋىنداعى 5G جەلى­سىنەن شىعارۋعا قىسىم جاساعان. ەندى اقش امەريكالىق تەحنولوگيانى قولدانا وتى­رىپ جاسالعان Huawei ونىمدەرىن ساتا­تىن كەز كەلگەن كومپانيادان ليتسەنزيا الۋ­د­ى تالاپ ەتىپ وتىر. كومپانيا وكىلدەرى كەي­بىر چيپ وندىرۋشىلەرى ليتسەنزيا الۋعا ءوتى­نىش بەرەدى دەپ ۇمىتتەنەتىنىن جاسىرمادى. بۇل قيىن­دىقتارعا قاراماستان بەيسەنبىدە Huawei ءوزىنىڭ Mate40 سمارتفوندارىن تانىستىردى. قىتايلىق كومپانيا ءوز ءونىمىنىڭ Apple-ءنىڭ سوڭعى سمارتفونىنا قاراعاندا كۇردەلى پروتسەسسورمەن جابدىقتالعانىن مالىمدەدى.

سوڭعى جاڭالىقتار

ۇقساس جاڭالىقتار