ەكونوميكا • 26 قازان، 2020

قاشاعاننىڭ گازىن تۇتىناتىن كەز كەلدى

52 رەت كورسەتىلدى

بىلتىر ەلىمىزدە 3،2 ملن توننا سۇيىتىلعان گاز وندىرىلگەن. بيىل دا ءونىم كولەمى وسى دەڭگەيدە بولماق. وتكەن جىلى ىشكى نارىقتىڭ تۇتىنۋ كولەمى 1،4 ملن توننانى قۇرادى. ال وسى جىلدىڭ قورىتىندىسى بويىنشا 1،5 ملن توننا بولادى دەپ كۇتىلۋدە.

ەنەرگەتيكا مينيسترلىگى گاز جانە مۇناي-گاز حيمياسى دەپار­تامەنتىنىڭ ديرەكتورى زياش قياقباەۆتىڭ ايتۋىنشا، ۆەدومستۆو اي سايىن ىشكى نارىققا تاراتىلاتىن سۇيىتىلعان گازدىڭ جوسپارىن بەكىتەدى. رەسپۋبليكا بويىنشا جەتكىزۋ جۇمىستارى 9 زاۋىتقا جۇكتەلگەن.

– ەلىمىزدە سۇيىتىلعان گازعا بەلگىلەنگەن شەكتى كوتەرمە باعا بار. بۇگىندە ول قوسىمشا قۇن سالى­عىن قوسا ەسەپتەگەندە تونناسىنا 43 345 تەڭگەنى قۇرايدى. اتالعان باعا كورشى ەلدەردەگى ەكسپورتتىق جانە كوتەرمە باعالاردان كوپ تومەن. ماسەلەن، رەسەيدىڭ شەكارالاس وڭىرلەرىندە سۇيىتىلعان گازدىڭ ءبىر تونناسى 164 100 تەڭگەگە ساتىلادى. ال تاجىكستاندا 182 750 تەڭگەگە تەڭ، – دەدى ز.قياقباەۆ ورتالىق كوممۋنيكاتسيالار قىزمەتىندە وتكەن بريفينگتە.

باعاداعى مۇنداي ايىرماشى­لىق ءوز كەزەگىندە ىشكى نارىقتاعى جەتىسپەۋشىلىكتىڭ تۋىنداۋىنا جانە «كولەڭكەلى ەكسپورتقا» جول اشۋى مۇمكىن. ءسويتىپ ىشكى نا­رىقتا دەفيتسيت ورىن الۋى ىق­تي­مال. مۇنداي جاعدايلار 2017 جى­لى ورىن العان.

اتاپ وتەرلىگى، 7 قازاندا ەنەرگەتيكا مينيسترلىگىنىڭ ءتيىستى بۇيرىعى بويىنشا قازاقستان اۋماعىنان سۇيىتىلعان مۇناي گازىن اۆتوكولىكپەن ەكسپورتتاۋعا تىيىم سالىندى. بۇل تالاپ الداعى ءۇش جىلدا قاتاڭ ساقتالۋى كەرەك. مۇنداي قادام ءونىمدى ەل اۋماعىنان زاڭسىز شىعارۋدى شەكتەۋ جانە ىشكى نارىقتاعى سۇيىتىلعان گازدىڭ جەتىسپەۋشىلىگىن بولدىرماۋ ءۇشىن جاسالدى.

ەسكە سالا كەتەيىك، نەگىزى­نەن سۇيىتىلعان گازدى كولىك جۇرگىزۋ­شىلەرى، سونداي-اق تاۋارلىق گاز تارتىلماعان وڭىرلەردىڭ تۇ­ر­عىندارى، مۇناي-حيميا كاسىپورىن­دارى  تۇتىنادى.

ەل ىشىندە سۇيىتىلعان مۇناي گازى­نىڭ كوتەرمە باعاسىن قالىپ­تاستىرۋ ەلەكتروندى ساۋدا الاڭى ارقىلى جۇرگىزىلەدى. ونداعى ماق­سات – باسەكەلەستىك ورتانى دامىتۋ، سالانى تسيفرلاندىرۋ جانە اكىم­شىلىك كەدەرگىلەردى ازايتۋ.

– سۇيىتىلعان گازدى ەلەكتروندى الاڭدار ارقىلى ساتۋ وتكەن جىلدىڭ اقپان ايىنان بەرى جۇزەگە اسى­رىلۋدا. ءونىمنىڭ بارلىق كولە­مىن ەلەكتروندى الاڭدا ساتۋعا تولىق­تاي كوشىرۋ 2024 جىلدىڭ قاڭ­تار ايىنا دەيىن اياقتالۋى كەرەك. بۇل باعانى تۇپكىلىكتى تۇتىنۋ­شى ءۇشىن بىرتىندەپ جانە قيىن­دىق­­سىز قايتا رەتتەۋگە مۇمكىندىك ب­ەرە­دى، – دەدى دەپارتامەنت ديرەكتورى.

مينيسترلىك وكىلى قاشاعان كەن ورنىنداعى ىلەسپە گازدى قايتا وڭد­ەي­تىن زاۋىتتىڭ قۇرىلىسى تۋرا­­لى دا ايتتى. قازىر بولاشاق ز­اۋىت­­تى ەگجەي-تەگجەيلى جوبالاۋ جۇ­مىس­­تارى ءجۇرىپ جاتىر. زاۋىتتا العاش­قى كەزەڭدە 1 ملرد تەكشە مەتر گاز قاي­تا وڭدەلەدى. كەيىن قۋاتتى 5 ملرد تەكشە مەترگە دەيىن جەتكىزۋ مىندەتى تۇر.

– قاشاعان كەڭ ورنىنان بولا­شاق زاۋىتقا گازدى 2041 جىلعا دەيىن جەتكىزىپ تۇرۋ كوزدەل­گەن. وسى­عان بايلانىستى قاشا­عان كەن ورنى­نىڭ وپەراتورىمەن ءونىم­دى ءبولۋ تۋرالى نەگىزگى كەلى­سىم­گە قوسىمشا كەلىسىم ازىرلەندى. قازىر­­گى ۋاقىتتا ۇلتتىق وپەراتور «قازتراسنگاز» اق مەن قاشاعان­نىڭ وپەراتورى NCOC كومپانياسى اراسىنداعى ءتيىستى كەلىسىم 90 پايىزعا اياقتالدى. تەحنيكالىق، كوممەرتسيالىق، زاڭدى سيپاتتاعى ماسەلەلەر تولىعىمەن رەتتەلدى، – دەدى زياش قياقباەۆ.

قاشاعان كەن ورنىنداعى ىلەسپە گازدى قايتا وڭدەۋ زاۋىتىنىڭ قۇنى 860 ملن دوللارعا تەڭ. كاسىپ­و­رىن تاۋارلى گازدىڭ ءوندىرىسىن ۇلعايتىپ، قاشاعاننان مۇناي ءوندىرۋدى ارتتىرۋعا جول اشادى.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار