سۋرەتتى تۇسىرگەن: باقىتجان وماروۆا
ۇزدىك سۋرەت باعىتىنا 1-4 سىنىپ وقۋشىلارى قاتىستى. ءاربىر قاتىسۋشى 5 سۋرەتتەن تۇراتىن ەكولوگيالىق تاقىرىپقا, پەيزاجدار مەن تابيعاتقا, تۋعان ولكەنىڭ قورشاعان ورتاسىن ساقتاۋعا جانە ۇقىپتى قاراۋعا ارنالعان جۇمىستار توپتاماسىن ۇسىندى.
ال, ۇزدىك كوركەم قولونەر بايقاۋى 5-6 سىنىپ وقۋشىلارى اراسىندا ۇيىمداستىرىلدى.
بالالاردىڭ شىعارماشىلىق جۇمىستارى يدەيالاردىڭ اسا ەرەكشەلىگى, شىعارماشىلىق كوزقاراس, ورىنداۋ تەحنيكاسىنىڭ دەڭگەيى, جۇمىستى بەزەندىرۋدىڭ ەستەتيكاسى, ورىندالعان جۇمىستارىنىڭ ساپاسى بويىنشا ورىندار انىقتالدى.
ورتالىق قىزمەتكەرى ايسۇلۋ باكىباەۆانىڭ ايتۋىنشا, بايقاۋدىڭ وبلىستىق كەزەڭىنە اۋداندىق جانە قالالىق كەزەڭدەردىڭ 104 جۇلدەگەرى قاتىسقان.
كونكۋرس جۇلدەگەرلەرى اتانعان 59 وقۋشى وبلىستىق ءبىلىم باسقارماسىنىڭ ءى, ءىى, ءىىى دارەجەلى ديپلومدارىمەن ماراپاتتالدى.
ونىڭ ىشىندە قالا جانە اۋىل مەكتەپتەرىنەن ءى دارەجەلى ديپلومعا – 14 وقۋشى, ءىى دارەجەلى ديپلومعا – 19 وقۋشى, ءىىى دارەجەلى ديپلومعا – 26 وقۋشى يە بولدى.
بارلىق وقۋشىلارعا كونكۋرسقا قاتىسۋشىنىڭ سەرتيفيكاتتارى تابىس ەتىلەدى.
ال, بايقاۋدىڭ ۇزدىك جۇمىستارى "DARYN ECOART" سۋرەتتەر مەن قولدان جاسالعان بۇيىمداردىڭ رەسپۋبليكالىق ەكولوگيالىق كونكۋرسىنا جىبەرىلەدى.
پاۆلودار وبلىسى
