قوعام • 24 قازان، 2020

ماۋلەن اشىمباەۆ اۋرۋحانادا جاتقان ءابدىجامىل نۇرپەيىسوۆتىڭ كوڭىلىن سۇرادى

95 رەت كورسەتىلدى

سەنات سپيكەرى ماۋلەن اشىمباەۆ اۋرۋحانادا جاتقان ءابدىجامىل نۇرپەيىسوۆتىڭ كوڭىلىن سۇراپ باردى بۇل تۋرالى ول ءوزىنىڭ Facebook پاراقشاسىندا جازدى، دەپ حابارلايدى Egemen.kz.

"كەشە قازاقستاننىڭ حالىق جازۋشىسى ءابدىجامىل نۇرپەيىسوۆ اعامىز جاتقان اۋرۋحاناعا ارنايى بارىپ، قالامگەردىڭ كوڭىلىن سۇراپ شىقتىم. ءحالىن ءبىلىپ، قاسىندا ءبىراز اڭگىمەلەسىپ وتىردىم. ابەكەڭنىڭ دەنساۋلىعى جامان ەمەس. دەگەنمەن، سوڭعى كەزدە بولعان قايعىلى جاعداي اعامىزعا اۋىر تيگەنى انىق. اجار اپامىزدىڭ جاتقان جەرى جارىق، توپىراعى تورقا بولسىن"، دەپ جازدى م.اشىمباەۆ.

بۇدان سوڭ، ول وسىدان بىرنەشە كۇن ءبۇرىن ابدىجامىل نۇرپەيىسوۆتىڭ 96 جاسقا تولعانىن اتاپ ءوتتى.

ل

ء"ابدىجامىل اعا ماعان قاجىر-قايرات پەن ەرىك-جىگەردىڭ سيمۆولىنداي كورىنەدى. حح عاسىردا حالقىمىزدىڭ باسىنان نەبىر قيىندىقتار ءوتتى. سونىڭ ءبارى ابەكەڭە دە از زاردابىن تيگىزگەن جوق. سوعىس جىلدارىندا اعامىز قان مايداننىڭ قاق ورتاسىندا ءجۇردى. ودان كەيىنگى قيىندىقتاردى دا كوردى. قايسارلىق پەن قاجىرلىقتىڭ وزىق ۇلگىسىن كورسەتىپ، ادەبيەتكە ايانباي ەڭبەك ەتتى. مادەنيەتىمىز بەن رۋحانياتىمىزعا ولشەۋسىز ۇلەس قوستى. قازاق ادەبيەتىنىڭ ناعىز كلاسسيگىنە اينالدى. كەيدە ءابدىجامىل اعاعا قاراپ، حالقىمىزدىڭ وتكەن عاسىرداعى شەجىرەسىن كورگەندەي بولامىن. شىن مانىندە، ابەكەڭنىڭ ءوزى دە، ءسوزى دە، جازعان دۇنيەسى دە تاريح"، دەي كەلە ماۋلەن اشىمباەۆ قازاق ادەبيەتىنىڭ الىبى ءارى ابىزى بولعان ابدىجامىل نۇرپەيىسوۆكە مىقتى دەنساۋلىق، اماندىق تىلەدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار