ء"بىز بۇكىل تاڭداۋدى تۇبەگەيلى وزگەرتتىك. الەمدىك كومپانيالاردىڭ HR-قۇرالدارىن ەنگىزدىك. ەگەر بۇرىن 4 كانديداتتىڭ بىرەۋى سۋديا بولسا, قازىر 20 كانديداتتىڭ بىرەۋى عانا سۋديا بولادى. ءيا, 14% بوس جۇمىس ورنى بار. بىراق, كەزدەيسوق كادرلارعا قاراعاندا وسى دۇرىس", -دەدى جاقىپ اسانوۆ.
سونداي-اق ول سۋديالاردىڭ بىلىكتىلىگىن IT-تەحنولوگيالاردىڭ كومەگىمەن باعالاۋعا كوشكەندەرىن جەتكىزدى.
"قازىرگى سۋديالاردىڭ قۇزىرەتتىلىگىن انىقتاۋ ءۇشىن جاڭا ادىستەمە بويىنشا 5 جىلدىق باعالاۋدى جۇرگىزىپ وتىرمىز. دۇنيەجۇزىلىك بانك ساراپشىلارى مۇنى جوعارى باعالادى. ياعني, ءىت جۇيەسى اۆتوماتتى تۇردە تاۋەكەل توبىن انىقتايدى. سودان كەيىن ءبىز ولاردى سۋديا لاۋازىمىنا ۇمىتكەر رەتىندە تەكسەرەمىز. بۇرىن 105 سۋديانىڭ بىرەۋى باعالاۋدان وتە الماسا, قازىر 100 سۋديانىڭ ىشىنەن 10-ى وتە المايدى. وتكەن 1,5 جىلدىڭ ىشىندە 51 سۋديا كاسىبي جارامسىز دەپ تانىلدى. ءۇش جىل ىشىندە بارلىق سۋديالاردىڭ 84%-ى باعالاۋدان وتەدى", - دەدى ول.
