وكم وپەراتورى ءۇش اپتانىڭ ىشىندە قاتتى تۇرمىستىق قالدىقتاردى بولەك جيناۋ تاقىرىبىندا ءبىلىم بەرۋ مەكەمەلەرىنە 2 383 ەكولوگيالىق ساباق ۇيىمداستىردى. وعان 140 مىڭنان استام بالا قاتىستى. مەنتورلار 2 148 ەرىكتىنى ەكولوگيالىق مادەنيەت نەگىزىندە قاتتى تۇرمىستىق قالدىقتاردى دۇرىس سۇرىپتاۋ جانە قورشاعان ورتانى قورعاۋ بويىنشا وقىتتى.
سونىمەن قاتار «ەكواسار» اياسىندا مەكتەپتەر مەن بالاباق-
شالار قالدىقتاردى قايتا وڭدەۋگە تاپسىرۋعا قاتىستى. ەكولوگيالىق ءارى قايىرىمدىلىق مارافونىنا ەلوردالىق 80 ءبىلىم بەرۋ مەكەمەسى بەلسەندى تۇردە اتسالىستى. ناتيجەسىندە جينالعان 36 965 كيلو قايتالاما شيكىزاتتان 1 ملن 33 مىڭ تەڭگە قاراجات ءتۇستى.
وسى اقشاعا از قامتىلعان وتباسى بالالارىنا 6 نوۋتبۋك ساتىپ الىندى جانە قاراۋسىز جانۋارلارعا 1200 كيلوگرامنان استام ازىق جەتكىزىلدى. سونداي-اق «ەكواساردى» قولداعان كومپانيالار قوسىمشا 6 نوۋتبۋك ساتىپ الدى. بالالارعا بارلىعى 12 دانا كومپيۋتەرلىك تەحنيكا تابىستالدى.
ەكولوگيالىق اكتسيانىڭ قورىتىندىسى بويىنشا قايتالاما شيكىزات جيناۋدا ۇزدىك ناتيجە كورسەتكەن مەكتەپتەر ماراپاتتالدى. ماسەلەن, №54 مەكتەپ – 3 توننا 280 كيلو, №85 مەكتەپ 3 توننا 172 كيلو, №59 مەكتەپ 2 توننا 640 كيلو قاپتاما قالدىعىن قايتا وڭدەۋگە تاپسىردى. جەڭىمپاز مەكتەپتەرگە تامشىلاتىپ سۋارۋدى ۇيىمداستىرۋعا ارنالعان سەرتيفيكاتتار بەرىلدى.
جوبانى وكم وپەراتورى نۇر-سۇلتان قالاسىنىڭ ءبىلىم باسقارماسى مەن ءبىلىم بەرۋدى جاڭعىرتۋ ورتالىعى جانە «جاس ۇلان» رەسپۋبليكالىق قوعامدىق بىرلەستىگىنىڭ قولداۋىمەن ۇيىمداستىردى.
«ەكواسار» اكتسياسىنا Clean city NC جشس, Eco-KZ جك, Smart Rubber جشس, «رەسايكلينگ تك» جشس قولداۋ ءبىلدىردى. يگى باستاماعا «تەحنودوم» كومپانياسى مەن Energy Partner جشس سەرىكتەس بولدى.
«ەكواسار» ەكولوگيالىق مارافونىنىڭ ەستافەتاسى سەمەي قالاسىنا تابىستالدى. ەندى سەمەيلىك بالاباقشالار مەن مەكتەپ جانە كوللەدج وقۋشىلارى قايتا وڭدەۋگە جارامدى قالدىقتاردى جيناۋدى باستايدى. شيكىزاتتى تاپسىرۋدان تۇسكەن قاراجاتقا ولار كوزى ناشار كورەتىن بالالارعا ارنالعان ينتەرناتقا ارنايى جارىق جابدىعىن ساتىپ الۋدى, سونداي-اق كوپ بالالى وتباسىلارىن ازىق-ت ۇلىكپەن قولداۋدى جوسپارلاپ وتىر.
