"قوعامدا وتباسى ينستيتۋتىنىڭ تومەندەگەنى جاسىرىن ەمەس. اجىراسۋلار كوپ, ونىڭ ىشىندە اكەلەردىڭ 70 پايىزى اليمەنت تولەمەيدى ەكەن. اليمەنت ءوندىرۋ زاڭىنىڭ قاتاڭداتىلۋىن قالايمىز. اجىراسقان ەر ازاماتتاردىڭ جاۋاپكەرشىلىگى تومەندەگەن. سونىمەن قاتار, ايەل ادامدار مەديادا زورلىق-زومبىلىقتىڭ قۇرباندارى رەتىن ەلىمىزدە كوپ ناسيحاتتالادى. وزدەرىن قورعانسىز سەزىنۋدە. سوعان بايلانىستى قوعامدا ايەل ادامنىڭ ءرولىن كوتەرۋگە ۇسىنىس جاسايمىز", دەدى ل.قوجاحمەتوۆا.
وسىعان بايلانىستى ءلاززات قوجاحمەتوۆا مەملەكەتتىك باسقارۋ ىسىندە, كۆازيمەملەكەتتىك سەكتورلاردا, ۇلتتىق كومپانيالاردا جەتەكشى لاۋازىمدا ىستەيتىن ايەلدەردىڭ وتە از ەكەنىن ايتتى.
"ەگەر ايەل ادام تۇلعا رەتىندە قالىپتاساتىن بولسا, بۇل بالانىڭ كەلەشەگىنە, وتباسىنىڭ نىعايۋىنا جانە قوعامنىڭ دامۋىنا ۇلكەن سەرپىلىس اكەلەتىنى ءسوزسىز", دەدى كەڭەس مۇشەسى.
