اۋدانداعى "پرەميۋم كلاسس ستروي" جشس اك زاۋىتىنىڭ اگى ارزان بولعانىمەن, ساپاسى وتە جوعارى دەيدى تۇتىنۋشىلار. قازىر ونداعى ءونىم وڭدەيتىن پەشتەرى كوگىلدىر وتىنعا قوسىلىپ, جۇمىسشىلاردىڭ جۇمىسىن جەڭىلدەتىپ قانا قويماي, شىعىندى دا ازايتتى. مامانداردىڭ ايتۋىنشا, 980-1000 گرادۋس ىستىقتا تاس كۇيىپ, ودان اك ءبولىنىپ شىعادى. ءبىر ەرەكشەلىگى, ءونىمنىڭ شيكىزاتى تۇگەلدەي جاڭاقورعان جەرىندە بار. اككە دالاميت تاستار پايدالىنادى. ونىمگە دەگەن سۇرانىستىڭ ارتقانى سونشا, وتكەن جىلعى وسى مەرزىممەن سالىستىرعاندا ءونىم ءوندىرۋ 10 ەسەگە وسكەن. سەرىكتەستىك وكىلى قۇرمانعازى بولات ۇلىنىڭ ايتۋىنشا ونەركاسىپكە جەرگىلىكتى 28 ازامات جۇمىسقا ورنالاسىپ, ولار 250 - 300 مىڭ تەڭگە كولەمىندە جالاقىمەن قامتىلعان. مۇنداعى اكتىڭ قۇنى بازار باعاسىنان تومەن, تۇيىرشىكتى اكتىڭ كەلىسى - 38 تەڭگە, ۇنتاق اك - 32 تەڭگەدەن ساتىلۋدا.
اۋدانداعى "قۋات اك" جشس-ءنىڭ جۇمىسى دا قازىر جاندانىپ كەلەدى. زاۋىتتىڭ ءونىم وڭدەۋ ءادىسى ەسكى بولعانىمەن, اكتىڭ ساپاسىندا ءمىن جوق. ونەركاسىپ يەسى ءنارزىلدا ىسقاقوۆ زاۋىتتىڭ قۇرال-سايماندارىن بىرتىندەپ جاڭارتىپ, زامانۋي جۇيەگە كوشىپ جاتقاندىعىن ايتادى. ءونىم كولەمىن ارتتىرىپ, جۇمىسشىلاردىڭ سانى كوبەيتۋ سەرىكتەستىكتىڭ باستى ماقساتىنا اينالعان.
ءبىر جاقسىسى مۇندا قازىر ەشبىر قالدىقسىز اك وڭدەلىپ جاتىر. سوڭعى ۋاقىتتا كورشىلەس وبلىستاردان دا سۇرانىس كوپتەپ ءتۇسىپ, ونەركاسىپتىڭ وركەندەۋىنە اسەر ەتكەن.
