"قازاقستاننىڭ ۋكرايناداعى ەلشىلىگى جانە "وتانداستار قورى" كەاق قولداۋىمەن كيەۆ قالاسىندا ونلاين قازاق سىنىبى اشىلعانىن قۋانىشپەن حابارلايمىز. "دوستىق" قازاق قوعامدىق ۇيىمىنا ساباقتارعا قاجەتتى جابدىقتار تاپسىرىلدى.
سونىمەن قاتار "وتانداستار قورى" "قازاق ءتىلى" كۋرسىنىڭ ءىى سەمەسترى باستالعانى تۋرالى حابارلايمىز. كەز كەلگەن ادام ۇيدە وتىرىپ تا قازاق ءتىلىن ونلاين تەگىن ۇيرەنە الادى. ول ءۇشىن "OQ-BILIM" Telegram كانالىنا (https://t.me/otandastar_qory) جازىلىپ, ارنايى سىلتەمە ارقىلى ساباقتارعا قوسىلۋ قاجەت. ساباقتار تىكەلەي ەفيردە Microsoft Teams پلاتفورماسىن ارقىلى وتەدى.
اتالمىش ءىس-شارا "قازاق سىنىبى" جوباسى اياسىندا ۇيىمداستىرىلىپ وتىر. 12 ەلدىڭ 24 قالاسىندا 31 ونلاين سىنىبىن اشۋ جوسپارلانعان.
تىكەلەي ەفيرگە قاتىسا الماساڭىز, «Otandastar Channel» YouTube كانالىنا جۇكتەلگەن ساباقتاردى كورە الاسىز. جوعارىداعى كەستەگە سايكەس قازاق ءتىلىن ۇيرەنە الاسىزدار", دەلىنگەن حابارلامادا.
