اۋىل شارۋاشىلىعى ءمينيسترى س. وماروۆ, سولتۇستىك قازاقستان وبلىسىنىڭ اكىمى ق. اقساقالوۆ, قوستاناي وبلىسىنىڭ اكىمى ا. مۇحامبەتوۆ, جامبىل وبلىسىنىڭ اكىمى ب. ساپارباەۆ بايانداما جاسادى.
"اوك-ءتىڭ باسەكەگە قابىلەتتىلىگى ۆەتەرينارلىق جانە فيتوسانيتارلىق قاۋىپسىزدىك جاعدايىنا بايلانىستى", - دەدى ا. مامين.
مەملەكەت ۆەتەرينارلىق جانە فيتوسانيتارلىق جاعدايدى باقىلاۋدىڭ بارلىق قاجەتتى شارالارىن قابىلداپ جاتىر. جانۋارلار مەن قۇستاردىڭ 23 اسا قاۋىپتى اۋرۋلارىنا قارسى جوسپارلى پروفيلاكتيكالىق ءىس-شارالار جۇرگىزىلۋدە. 2020 جىلدىڭ 9 ايىندا جانۋارلار مەن قۇستاردىڭ اسا قاۋىپتى اۋرۋلارىنا قارسى 122,2 ملن ۆاكتسينا نەمەسە كورسەتىلگەن كەزەڭگە ارنالعان جوسپاردىڭ 100,9% جۇرگىزىلدى. بۇل رەتتە ۆەتەرينارلىق پرەپاراتتاردىڭ شامامەن 60%-ى ەلىمىزدە وندىرىلەدى.
قازاقستان بىرقاتار قاۋىپتى اۋرۋلار (جىلقى مەن شوشقانىڭ افريكالىق وباسى, شوشقانىڭ كلاسسيكالىق وباسى) بويىنشا قاۋىپسىز ەل رەتىندە رەسمي حالىقارالىق مارتەبەگە يە. وسى جىلدىڭ 9 ايىندا وتكەن جىلدىڭ سايكەس كەزەڭىمەن سالىستىرعاندا قر-دا ليستەريوز, اناەروبتى ەنتەروتوكسەميا, رينوپنەۆمونيا سەكىلدى جانۋارلاردىڭ اسا قاۋىپتى اۋرۋلارىنىڭ سانى ازايدى. 2020 جىلى 3,8 ملن گا الاڭدا كارانتيندىك وبەكتىلەر مەن اۋىل شارۋاشىلىعى داقىلدارىنىڭ اسا قاۋىپتى زياندى ورگانيزمدەرىنە قارسى قورعاۋ ءىس-شارالارى جۇرگىزىلدى.
ۋاقىتىلى قابىلدانعان شارالار شەگىرتكەلەردىڭ تارالۋ ارەالىن 3,3 ەسەگە — 2018 جىلعى 1,7 ملن گەكتاردان وسى جىلى 515 مىڭ گەكتارعا دەيىن ازايتۋعا مۇمكىندىك بەردى. وتاندىق تاۋار وندىرۋشىلەردى قولداۋ ماقساتىندا وسى جىلدان باستاپ اسا قاۋىپتى زياندى ورگانيزمدەرمەن, كارانتيندىك وبەكتىلەرمەن جانە ارامشوپتەرمەن كۇرەسۋ ءۇشىن پەستيتسيدتەردىڭ بارلىق تۇرلەرىن سۋبسيديالاۋ تەتىگى ىسكە قوسىلدى.
پرەمەر-مينيستر ۆەتەرينارلىق جانە فيتوسانيتارلىق قىزمەتتى ودان ءارى نىعايتۋ جونىندەگى شارالار كەشەنىن ازىرلەۋ, ۆەتەريناريا جانە فيتوسانيتاريا سالاسىندا تەكسەرۋلەر, باقىلاۋ جانە مونيتورينگ, سونداي-اق كارانتيندىك ءىس-شارالار جۇرگىزۋ جونىندەگى جۇمىستى كۇشەيتۋ قاجەتتىگىن اتاپ ءوتتى.
ۇكىمەت باسشىسى بۇگىنگى تاڭدا قۇس تۇماۋىنا قاتىستى جاعداي تۇراقتانعانىن اتاپ ءوتىپ, الايدا جاعدايعا مونيتورينگ جۇرگىزۋدى جالعاستىرىپ, قاجەت بولعان كەزدە الدىن الۋ شارالارىن جەدەل قابىلداۋ كەرەك ەكەنىن ايتتى. پرەمەر-مينيستر جەرگىلىكتى اتقارۋشى ورگانداردىڭ كارانتين مەن شەكتەۋ شارالارىن بەلگىلەۋ جانە الىپ تاستاۋ جونىندەگى شەشىمدەرىن ادىلەت ورگاندارىندا تىركەۋ راسىمدەرىن وڭايلاتۋدى تاپسىردى. اۋىل شارۋاشىلىعى مينيسترلىگىنە مۇددەلى مەملەكەتتىك ورگاندارمەن بىرلەسىپ, ءتيىمدى باقىلاۋدى ۇيىمداستىرۋ ءۇشىن ۆەتەرينارلىق جانە فيتوسانيتاريالىق قاداعالاۋدىڭ ۇلتتىق جۇيەلەرىن قۇرۋ تاپسىرىلدى.
ء"تيىستى اقپاراتتىق بازانى جەتىلدىرۋ جانە پروتسەستەردى اۆتوماتتاندىرۋ ارقىلى اۋىل شارۋاشىلىعى جانۋارلارىن 100% سايكەستەندىرۋدى قامتاماسىز ەتۋ قاجەت", - دەدى ا. مامين.
اۋىل شارۋاشىلىعى جانە ءبىلىم مينيسترلىكتەرىنە سالا ءۇشىن كادرلار دايارلاۋدى جەتىلدىرۋ جانە كەيىن اۋىلدا جۇمىس ىستەۋ شارتىمەن ۆەتەريناريالىق جانە فيتوسانيتارلىق قىزمەت ماماندىقتارى بويىنشا وقىتۋعا بولىنەتىن گرانتتاردى ۇلعايتۋ ماسەلەسىن پىسىقتاۋ تاپسىرىلدى.
