اتاپ ايتقاندا, قازاقستاندىق دەلەگاتسيا وزبەكستانداعى بىرنەشە اگرو-لوگيستيكالىق ورتالىقتارىن(الو) ارالادى.
قازىرگى ۋاقىتتا وزبەكىستاندا وزدەرىنىڭ باقشالارىنان, ەگىستىكتەرىنەن جانە جىلىجايلارىنان ءونىمدى ساتۋعا دەيىن دايىنداۋعا, وڭدەۋگە جانە ساقتاۋعا مامانداندىرىلعان جەكە الو-ى بار.
"وزبەكىستاندا ءىرى اگروكاسىپورىندار اگرو-لوگيستيكالىق ورتالىقتاردى اشىپ, تەك ءوز ونىمدەرىمەن جۇمىس ىستەۋگە باعدارلانعان. الو-دا ءونىمدى كەيىننەن ەكسپورتتاۋ ءۇشىن قايتا وڭدەۋ جولعا قويىلعان. ءبىز ءۇشىن بۇل تاجىريبە دە قىزىقتى. الو ۇساق فەرمەرلەردىڭ ونىمدەرىن ساقتاۋعا قابىلداپ, ساتۋ الدىنداعى قىزمەت كورسەتە الادى, الايدا كازىرگى كاسىپورىنداردىڭ الو قۋاتتىلىعى ءوزدىرىنىڭ ونىمدەرىمەن تولىقتاي جۇكتەلىپ تۇر", - دەپ ءتۇسىندىردى گ.احمەتتاەۆا.
شاعىن تاۋار وندىرۋشىلەرگە قىزمەت كورسەتۋ ءۇشىن تاشكەنت 8 ءىرى اگرو-لوگيستيكالىق ورتالىقتىڭ قۇرىلىسىن جوسپارلاپ وتىر. (جوبالار كەيىننەن جەكەشەلەندىرە وتىرىپ, ازيالىق دامۋ بانكى مەن دۇنيەجۇزىلىك بانكتىڭ قارىزدارى ەسەبىنەن ىسكە اسىرىلاتىن بولادى). سونداي-اق قازىرگى زامانعى اگرولوگيستيكالىق ورتالىقتاردىڭ (جەكە الو) 37 ينۆەستيتسيالىق جوباسىن ۇيىمداستىرۋ بويىنشا ءىس-شارالار ىسكە اسىرىلۋدا.
«بۇل الو شاعىن فەرمەرلەرگە تاۋارلاردى ەگىستەن ەمەس, جاقسى باعامەن ساتۋعا مۇمكىندىك بەرەتىن ساقتاۋ قىزمەتىن ۇسىنادى. ءبىز سونداي - اق الو-تى ىشكى نارىق تەڭگەرىمىن جانە ەكسپورت ءۇشىن پارتيالاردى ىرىلەندىرۋ ماقساتىندا قامتاماسىز ەتۋدەگى ماڭىزدى شەشىم رەتىندە قاراستىرامىز", - دەپ ءتۇسىندىردى وزبەكستان رەسپۋبليكاسى اۋىل شارۋاشىلىعى مينيسترلىگى.
وزبەك تاراپى قازاقستان مەن وزبەكستاننىڭ تاۋار وتكىزۋ جۇيەلەرىن تۇيىستىرۋگە قىزىعۋشىلىق تانىپ وتىر.
ساپار بارىسىندا دەلەگاتسيا وزبەكستان رەسپۋبليكاسىنىڭ ەكسپورتتى ىلگەرىلەتۋ اگەنتتىگىندە دە بولدى, وندا وزبەكستانداعى ەكسپورتتاۋشىلاردى قولداۋ تەتىكتەرىنىڭ ەرەكشەلىكتەرىمەن تانىستى. ماسەلەن, وزبەكستاندا ەكسپورتتاۋشىلاردىڭ كولىك شىعىندارىنىڭ وتەماقىسى تەك وسى جىلدىڭ مامىر ايىنان باستاپ ەنگىزىلدى. سونىمەن بىرگە, كولىك شىعىندارىن وتەۋگە ارنالعان تاريفتەۋ جەتكىزۋ ايماعىنا جانە ءونىمنىڭ تۇرىنە بايلانىستى.
قر سيم ساۋدا ساياساتىن دامىتۋ ورتالىعى «QazTrade» مەن وزبەكستان رەسپۋبليكاسىنىڭ ەكسپورتتى ىلگەرىلەتۋ اگەنتتىگى ىنتىماقتاستىق تۋرالى مەموراندۋم جاساۋ ماسەلەسىن پىسىقتاۋعا كەلىستى.
دەلەگاتسيا سونداي-اق قازاقستان – وزبەكستان شەكاراسىنداعى "ب.قونىسباەۆ" (قازاقستان جاعى) - ياللاما (وزبەك جاعى) وتكىزۋ پۋنكتىندە بولىپ, شەكارا ارقىلى جۇك اۆتوكولىگىن وتكىزۋ پروتسەستەرىمەن جانە قايتا قۇرۋ بارىسىمەن تانىستى.
