الاڭ COVID-19 پاندەمياسىنىڭ تەرىس سالدارىن ەڭسەرۋدەگى تاراپتاردىڭ كۇش-جىگەرىن شوعىرلاندىرۋ ءۇشىن, سونداي-اق الەمدە ساياسي, الەۋمەتتىك-ەكونوميكالىق جانە ەكولوگيالىق پروبلەمالاردى وزەكتەندىرۋ تۇرعىسىنان ەرەكشە ماڭىزعا يەلەنۋدە.
ونلاين-كەزدەسۋدىڭ قاتىسۋشىلارى ورتالىق ازيا مەملەكەتتەرى مەن رەسەي اراسىنداعى ىنتىماقتاستىق عاسىرلار بويعى دوستىق, ءوزارا قۇرمەت پەن سەنىم داستۇرلەرىنە سايكەس, سونداي-اق ەۋرازيا وڭىرىندەگى جاسامپاز پروتسەستەردى ەسكەرە وتىرىپ دامىپ كەلە جاتقانىن اتاپ ءوتتى. ديالوگ ورتاق مۇددەلەرگە جاۋاپ بەرەدى جانە وڭىردەگى ەكونوميكالىق ءوسۋ مەن قاۋىپسىزدىكتىڭ ماڭىزدى فاكتورى بولىپ تابىلادى.
ورتالىق ازياداعى قاۋىپسىزدىكتى نىعايتۋ جانە ورنىقتى ءوسۋدى قامتاماسىز ەتۋ ماقساتىندا ۇزاق مەرزىمدى كوپجوسپارلى ءوزارا ءىس-قيمىلدى كەڭەيتۋ, مەملەكەتارالىق بايلانىستاردى تەرەڭدەتۋ ماسەلەلەرى بويىنشا جان-جاقتى پىكىر الماسىلدى. ساۋدا-ەكونوميكالىق جانە ەنەرگەتيكالىق ءوزارا ءىس-قيمىلدىڭ, كولىك-ترانزيت سالاسىنداعى "ورتالىق ازيا + رەسەي" فورماتىنداعى ەلدەردىڭ ماڭىزدى باستامالارىن ىسكە اسىرۋدىڭ پەرسپەكتيۆالارى, سونداي-اق ازاماتتاردىڭ ۇتقىرلىعى ماسەلەلەرى جانە ەۋرازيا وڭىرىندەگى ەپيدەميولوگيالىق احۋال قارالدى.
ورتالىق ازيا ەلدەرىندەگى دەنساۋلىق ساقتاۋ جانە قورشاعان ورتانى قورعاۋ جۇيەلەرىنىڭ الدىندا تۇرعان قازىرگى زامانعى سىن-قاتەرلەر دە تالقىلاندى. مادەني-گۋمانيتارلىق ىنتىماقتاستىقتى نىعايتۋعا ەرەكشە نازار اۋدارىلدى.
مينيسترلەر سىرتقى ساياسي ۆەدومستۆولاردىڭ كۇش-جىگەرىن ءوزارا ءىس-قيمىلدىڭ ستراتەگيالىق ماڭىزدى باعىتتارىنا شوعىرلاندىرۋعا, ەكونوميكالىق جانە وڭىرارالىق ىنتىماقتاستىقتى كەڭەيتۋگە دايىن ەكەندىكتەرىن ءبىلدىردى.
كەزدەسۋ قورىتىندىسى بويىنشا ورتالىق ازيا مەن رەسەي مەملەكەتتەرىنىڭ سىرتقى ىستەر مينيسترلەرىنىڭ بىرلەسكەن مالىمدەمەسى قابىلداندى.
