"15 قازاندا تاڭەرتەڭنەن بەرى ءورتتى جويۋعا "قازاۆياقۇتقارۋ" اق-نىڭ "مي-171" تىكۇشاعى جۇمىلدىرىلىپ, ەكى كۇن ىشىندە تىكۇشاق 66 توننا كولەمىندە 22 رەت سۋ شاشتى. سونىمەن قاتار, وبلىستىق تجد-نىڭ جەكە قۇرامىنان 55 ادام جۇمىلدىرىلدى. باتپاق پەن قالىڭ وسكەن وسىمدىكتەر ارنايى تەحنيكانىڭ بارۋىن قيىنداتتى. ءورتتى ءسوندىرۋ اسپالى ءورت سوندىرگىشتەر مەن شارتىلداقتاردىڭ كومەگىمەن جۇزەگە اسىرىلۋدا. ورتەنگەن جەردىڭ جالپى اۋدانى 1,5 گەكتاردى قۇرايدى. ونىڭ 1,2 گەكتارىنداعى ءورت ءسوندىرىلدى. شامامەن 0,3 گەكتار جەردە ءورتتى ءسوندىرۋ جۇمىستارى جالعاسۋدا. قازىرگى ۋاقىتتا ءورت تەڭىزگە قاراي باعىت الدى", دەپ حابارلادى دەپارتامەنتتىڭ ءباسپاسوز قىزمەتى.
تەڭىز جاعالاۋىنداعى ءورتتى ءسوندىرۋ جانە بايلانىستى ۇيىمداستىرۋ ءۇشىن كوماندالىق-شتابتىق ماشينا ورناتىلدى. ال جەكە قۇرامعا قاۋىپسىز قاشىقتىقتا تاماقتانۋ مەن تۇنەۋگە ارنالعان شاتىرلار تىگىلدى.
