جىلۋ ماسەلەسى كۇيىپ تۇر

وبلىس ورتالىعىندا جىلۋ بەرۋ ماسەلەسىنە بايلانىستى كە­زەكتى جيىندى جەكسەنبى كۇنى پاۆلودار وبلىسىنىڭ اكىمى ابىل­قايىر سقاقوۆ تاعى ءبىر مارتە وتكىزدى. وبلىس باسشىسى جەلى­لەر­دەگى اپاتتاردىڭ سالدارىن جويۋ بويىنشا جۇمىستى ۇيىم­داستىرۋ دەڭگەيى ناشار ەكە­نىن ايتىپ, كاسىپورىن دايىن­دى­عىن قاتاڭ سىنعا الدى. ءوز كەزەگىندە «پاۆلودار جىلۋ جە­لى­لەرى» جشس باسشىلىعى بۇعان توتەنشە جاعدايلاردى جويۋ ءۇشىن جۇ­مىسشىلار جەتىسپەيدى دەگەن ءۋاج ايتتى.

– پاۆلودار بويىنشا جىلۋ­دى قالىپتى ىسكە قوسۋ ءۇشىن 20 كۇن قاجەت, بۇگىن جىلىتۋ ماۋ­­سىمى باستالعاننان بەرى 12-ءشى كۇن ءوتتى, – دەپ ءتۇسىندىردى «پاۆ­لو­دارەنەرگو» اق باسشىسى ولەگ پەرفيلوۆ. سونىمەن قاتار ءبىز جوندەۋ جۇمىستارىن مامىر ايىندا كارانتينگە بايلانىستى كەيىنگە شەگەرىپ, جوسپاردان ءبىر اي كەيىن باستاعانىمىزدى ۇمىت­پا­ۋىمىز كەرەك.

بىراق بۇل ءۋاج اكىمنىڭ كوڭىلىن كونشىتپەدى. ول كاسىپورىندا اياق­اس­تى تۋىنداۋى ىقتيمال ءار­ت­ۇر­­لى تاۋەكەلدەردى جوسپارلاۋ مەن بولجاۋدىڭ جوقتىعىن اتاپ ءوتتى. ياعني ءمونوپوليستىڭ دا­لەل­دەرى نەگىزسىز. سول سەبەپتى ءا.سقاقوۆ جىلۋ بەرۋشى ۇيىم جوندەۋ بۋىندارىنىڭ سانىن كوبەيتىپ, تاۋلىك بويى جۇمىس ىستەۋ  رەجىمىنە كوشۋىن تالاپ ەتتى. ول ءوزىنىڭ ءبىرىنشى ورىنباسارى سۇڭعات ەسىمحانوۆقا بەيىندى قىز­مەتتەرمەن بىرلەسىپ, جىلۋ جە­لىلەرىنىڭ توزۋى تۇرعىسىنان پروبلەمالىق ايماقتاردى انىق­ت­­اۋ­دى جانە ولارعا تۇراقتى باقى­لاۋ ورناتۋدى تاپسىردى.

مالىمەتكە سۇيەنسەك, پاۆلودار قالاسىندا قازىرگى كەزدە 1 145 كوپقاباتتى تۇرعىن ءۇيدىڭ 90%-ى جىلۋ جۇيەسىنە قوسىلعان, 1 165-ءى (90%-دان استامى) ىستىق سۋمەن قامتاماسىز ەتىلگەن. قازىر 112 ءۇي جىلۋسىز, 69 ءۇي ىستىق سۋسىز قالىپ وتىر. جىلۋ بولماۋىنىڭ سەبەپتەرىنىڭ جارتىسى جىلۋ جەلىلەرىندەگى اپاتتارعا بايلانىستى بولىپ وتىر. 36 ءۇي پيك-ءتىڭ دايىن بولماۋىنا بايلانىستى جىلۋسىز قالعان.

تاعى 20 ءۇي «داچنىي» شاعىن اۋدانىندا ورنالاسقان. شاھار باسشىسى ەرجان يمانسليامنىڭ ەسەبى بويىنشا, مۇندا بارلىق جوندەۋ جۇمىستارى اياقتالعان, قازىر جۇيەنى سۋمەن تولتىرۋ ءجۇرىپ جاتىر. «داچنىي» شاعىن اۋدانىنىڭ تۇر­عىندارى جىلۋعا بۇگىن-ەر­تەڭ قوسىلادى. ايتا كەتەلىك, ءدال وسى داچنىي اۋدانىنىڭ تۇ­سىندا ماگيسترالدىق قۇبىر تارتۋ بويىنشا كۇردەلى جۇمىستار جۇرگىزىلۋدە. اتالعان اۋماقتا قازۋ جۇمىستارىنىڭ وتكىزىلۋىنە بايلانىستى «داچنىي», وعان ىرگەلەس ۋسولكا شاعىن اۋداندارى 15 مامىردان باستاپ ىستىق سۋسىز كۇن كەشىپ كەلەدى.

وبلىس اكىمى قالا تۇرعىن­دا­رى­نان, اسىرەسە «داچنىي» شاعىن اۋدانىنىڭ تۇرعىندارىنان كوپ­تە­گەن شاعىم تۇسەتىنىن اتاپ ءوتتى. ءا.سقاقوۆ قالا باسشىسىنا جە­دەل تۇردە وسى شاعىن اۋداننىڭ تۇر­عىندارىمەن كەزدەسىپ, ولاردىڭ ۇي­لەرى بويىنشا اعىمداعى جاعداي تۋرالى حابارلاۋدى تاپسىردى.

ايتا كەتەلىك, جۋىردا پاۆلو­دار قالاسىنىڭ سول­تۇس­تىك جىلۋ جەلى­لەرى اۋدانىندا, ن.نازار­باەۆ داڭعىلىنىڭ بو­يىنداعى اۆتو­كولىك كوپىرى اۋما­عىندا قو­سىم­شا جاڭا ناسوس ستان­ساسى قول­دا­نىسقا بەرىلمەك. جاڭا ستانسا – «پاۆلودار جىلۋ جەلى­لە­رى» جشس 2030 جىلعا دەيىن قالانى دا­مى­تۋدىڭ باس جوسپارىنا سايكەس قالا اكىمدىگىمەن بىرلەسىپ ىسكە اسىرعان جوباسى. اتالعان ناسوس ستانساسى سۇرا­نى­سى ءوسىپ وتىرعان جىلۋمەن قام­تۋ­دىڭ سەنىمدىلىگىنە, پاۆلودار قا­لا­سىنىڭ ورتالىق اۋماعىندا گيدرا­ۆ­ليكالىق رەجىمدى جاق­سار­تۋعا كومەگىن تيگىزەدى. اتاپ ايتقاندا, لوموۆ كوشەسىنە دەيىنگى اۋماقتى, سونداي-اق سارىارقا شاعىن اۋدانىنا دەيىن جىلۋمەن قام­تۋدى كۇشەيتەدى. ورتالىق جى­لۋ جۇيەسىنە قوسىلعان كەي­بىر ايماقتاردا ورىن العان ولقىلىقتاردى جوياتىن بولادى. پنس 2/3 قۇرىلىسىن ىسكە اسىرۋ جۇمىستارى 1 جىل بويى جۇرگىزىلدى. بۇل ماقساتتا قالا بيۋدجەتىنەن 960 ملن تەڭگە ءبولىندى. بۇگىندە بارلىق قۇرىلىس جۇمىستارى اياقتالعان, قۇرىلعىنى ىسكە قوسۋ, جۇمىسىن رەتتەۋ پروتسەستەرى جۇزەگە اسىرىلۋدا. ماماندار قۇرال-جابدىقتى ءارتۇرلى قىسىمدا جۇمىس ىستەۋ قا­بى­لەتىن سىناقتان وتكىزىپ, تەك­سە­رۋ­دە.

سونداي-اق پاۆلودار قالالىق قۇرىلىس ءبولىمىنىڭ تاپسىرىسى بويىنشا ماياكوۆسكي-لوموۆ كوشەلەرىنىڭ اۋماعىندا №5 جىلۋ ماگيسترالىنىڭ قايتا قالپىنا كەلتىرۋ جۇمىستارى جۇرگىزىلۋدە. اتالعان نىساندى رەكونسترۋكتسيالاۋ ناتيجەسىندە زاتون اۋماعىندا سالىنىپ جاتقان 350 وقۋشىعا ارنالعان جاڭا مەكتەپ ساپالى جىلۋ قۋاتىمەن قامتاماسىز ەتى­لە­تىن بولادى.

ءسوز اياعىندا ايتا كەتەلىك, پاندەميا قاۋپىنە بايلانىس­تى وڭىرلەرگە بيىل جىلۋعا قوسۋ جۇمىستارىن جەدەلدەتۋ تاپسى­رىل­عان بولاتىن. تۇرعىندار سۋىق­تا جاۋراپ, ونىڭ سوڭى ءجىتى رەس­پيراتورلىق ۆيرۋستىڭ, تۇ­ماۋ­دىڭ, تاعى دا باسقا ماۋسىمدىق اۋرۋلاردىڭ كۇشەيۋىنە سەبەپ بولماۋى كەرەك. بۇل رەتتە, پاۆلودار وڭىرىنە جۇمىستى ودان ءارى قاتاڭ باقىلاۋدا ۇستاۋ قاجەت.

نۇربول جايىقباەۆ

پاۆلودار