ساقتاندىرىلعان قازاقستاندىقتارعا ەمحانالاردا ەمدەلۋ, دارىگەرلەرگە قابىلداۋعا بارۋ, زەرتحانالىق قىزمەتتەر, دياگنوستيكا, سونداي-اق ءدارى-دارمەكتەر قولجەتىمدى. ءمامس ەسەبىنەن پاتسيەنتتەر دەنساۋلىعىن اۋرۋحانالاردا ەمدەي الادى.
سونداي-اق, مىندەتتى مەديتسينالىق ساقتاندىرۋ جۇيەسىنە قاتىسۋشىلار ءۇشىن جوعارى تەحنولوگيالىق مەديتسينالىق قىزمەتتەر, ياعني كۇردەلى بىرەگەي وپەراتسيالار قولجەتىمدى. پاللياتيۆتىك كومەك تە كورسەتىلەدى. ەمدەلمەيتىن, ومىرگە قاۋىپ توندىرەتىن جانە اۋىر وتەتىن اۋرۋلارى بار پاتسيەنتتەردى قولداۋ دا وسى قىزمەتكە كىرەدى.
بۇدان باسقا, مەديتسينالىق ساقتاندىرۋ جۇيەسى بويىنشا مۇقتاج ادامدارعا مەيىربيكە كۇتىمى ۇسىنىلادى.
الەۋمەتتىك مەديتسينالىق ساقتاندىرۋ جۇيەسىنە قاتىسۋ ءۇشىن مىندەتتى مەديتسينالىق ساقتاندىرۋ قورىنا (امسق) اۋدارىمدار قاجەت, ونى نە جۇمىس بەرۋشى, نە دەربەس تولەۋشىلەر تولەيدى. وسىلايشا, 2020 جىلعى 1 قاڭتاردان باستاپ جۇمىس بەرۋشىلەر ءاربىر قىزمەتكەردىڭ تابىسىنان 2% , جك - 1,4%, ازاماتتىق-قۇقىقتىق شارتتار بويىنشا جۇمىس ىستەيتىن ادامدار - تابىسىنان 1%, قىزمەتكەرلەر-تابىسىنان 1%, دەربەس تولەۋشىلەر-1 ەتج-دەن 5% ساقتاندىرۋ قورىنا اۋدارۋى ءتيىس.
مارتەبەنى رەسمي قىزمەتتەر ارقىلى امسق سايتىنان fms.kz, "Qoldau 24/7" ءموبيلدى قوسىمشاسىنان, Saqtandyru-bot Telegram-نان تەكسەرۋگە بولادى. بارلىق جۇيەلەر دۇرىس جانە اشىق جۇمىس ىستەيدى.
Qoldau 24/7 قوسىمشاسىن جۇكتەپ الىپ, ءوتىنىش, العىس, ۇسىنىس قالدىرۋعا, سونداي-اق مىندەتتى الەۋمەتتىك مەديتسينالىق ساقتاندىرۋ جانە مەديتسينالىق قىزمەت كورسەتۋ ماسەلەلەرى بويىنشا كەڭەس الۋعا بولادى.
"بۇگىنگى تاڭدا ءموبيلدى قوسىمشانى جۇكتەپ الۋ سانى 117 مىڭنان اسادى, بارلىق وتىنىشتەردىڭ 50%-دان استامى ءموبيلدى قوسىمشا ارقىلى كەلىپ تۇسەدى, بۇل 1406 بايلانىس ورتالىعىنا جۇكتەمەنى ازايتۋعا مۇمكىندىك بەرەدى", - دەپ اتاپ ءوتتى نۇر-سۇلتان قالالىق امسق فيليالىنىڭ ءباسپاسوز قىزمەتىندە.
كۇن سايىن نەگىزگى ماسەلەلەر بويىنشا ازاماتتاردان 1800-دەن استام ءوتىنىش كەلىپ تۇسەدى. ساقتاندىرۋ مارتەبەسىن تەكسەرۋ, تمككك جانە ءمامس كىرەتىن قىزمەتتەر بويىنشا, مەديتسينالىق ۇيىمعا تىركەۋ بويىنشا ءمامس تولەمدەرىن تولەۋ تاسىلدەرى مەن مولشەرلەرىنىڭ ماسەلەلەرى جانە ت. ب. سۇراقتار بويىەشا حابارلاسادى.
حالىقتى قىزىقتىرعان ماسەلەلەرگە جەدەل ارەكەت ەتۋ ءۇشىن Qoldau 24/7 ارقىلى وتىنىشتەرگە تۇراقتى مونيتورينگ جۇرگىزىلەدى. بارلىق وتىنىشتەر رەگلامەنتكە سايكەس 1-دەن 5 جۇمىس كۇنىنە دەيىن وڭدەلەدى.
ء"مامس ماسەلەلەرى بويىنشا حالىق حاباردار بولۋ ءۇشىن, قوسىمشانىڭ فۋنكتسيونالى قوسىمشا كەڭەيتىلدى. وسىلايشا, "ساقتاندىرىلۋ مارتەبەسى" بولىمىندە تولەمدەر بويىنشا اقپارات تولىقتىرىلدى, توپ 10 ءجيى قويىلاتىن سۇراقتار دا ەنگىزىلدى", - دەپ تۇسىندىرەدى ماماندار.
قازىرگى ۋاقىتتا qoldau 24/7 ءموبيلدى قوسىمشاسى ارقىلى جەڭىلدىكتى ساناتتاعى ادامدارعا (بجت تولەۋ سەبەبى بويىنشا جەڭىلدىكتى ساناتتان ءتۇسىپ قالعان) ۋاقىتشا ساقتاندىرىلۋ مارتەبەسىن بەرۋ بويىنشا جۇمىس جۇرگىزىلۋدە.
سونداي-اق, Qoldau 24/7 ءموبيلدى قوسىمشاسى ارقىلى كارانتين كەزىندە ءمامس جارنالارى مەن اۋدارىمدارىن تولەۋدەن بوساتىلعان شوب ۇيىمدارىنىڭ قىزمەتكەرلەرىنە ساقتاندىرۋ مارتەبەسى بەرىلەدى.
ەسەپتىك كەزەڭدە شوب 3321 جۇمىسكەرىنە ساقتاندىرۋ مارتەبەسى بەرىلدى.
ەستەرىڭىزگە سالا كەتەيىك, ءمامس اياسىندا قىزمەت كورسەتۋ بويىنشا بارلىق سۇراقتار مەن شاعىمداردى 1406 تەگىن ءنومىرى بويىنشا الەۋمەتتىك مەديتسينالىق ساقتاندىرۋ قورىنىڭ call-ورتالىعىنا جىبەرۋگە بولادى. سونداي-اق ءوتىنىشتى https://t.me/SaqtandyryBot تەلەگرام-بوتتا قالدىرۋعا بولادى.
