اۋدان اكىمى مارات مۋرزيەۆتىڭ ايتۋىنا قاراعاندا, بۇل مەملەكەت باسشىسى قاسىم-جومارت توقاەۆ ۇسىنعان "حالىق ۇنىنە قۇلاق اساتىن مەملەكەت" تۇجىرىمداماسىن ىسكە اسىرۋ ءۇشىن قولعا الىنىپ وتىر. ەڭ باستىسى, سىبايلاس جەمقورلىق ارەكەتتەرىنە جول بەرىلمەيدى. "اشىق اكىمدىك" كەڭسەسىنىڭ عيماراتىندا قابىلداۋ كەستەسى ءىلىندى. دەمەك مەملەكەتتىك قىزمەت كورسەتۋدە اشىقتىق پەن جاريالىلىققا باسىمدىققا يە بولادى.
"مۇنداي كەڭسەلەر تاعى بەس اۋداندا اشىلالى. ەڭ باستى ماقساتىمىز – حالىقپەن تىكەلەي ديالوگ ورناتۋ. "اشىق اكىمدىك" كەڭسەسىندە ءتورت مەملەكەتتىك اتقارۋشى ورگاننىڭ وكىلدەرى قىزمەت كورسەتەدى. تۇرعىندار وزدەرىن تولعاندىرعان ماسەلەلەرگە بايلانىستى اۋداندىق اكىمدىككە, باسقا دا مەملەكەتتىك مەكەمەلەرگە بارماي, وسى كەڭسەدەن جاۋاپ الادى", دەيدى سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ايدوس مامىت.
