ەلورداداعى ماحامبەت وتەمىس ۇلى اتىنداعى وقۋشىلار سارايىندا «ءبىز – ماحامبەت ۇرپاعىمىز» اتتى قالالىق بايقاۋدا توپ جارعان جەڭىمپازدار مەن جۇلدەگەرلەردى ماراپاتتاۋ ءراسىمى ءوتتى. بۇل بايقاۋ وقۋشىلار سارايىنا باتىر, اقىن بابامىزدىڭ اتى بەرىلگەنىنە 10 جىل تولۋى قۇرمەتىنە ورايلاستىرىلىپتى.
ەلورداداعى ماحامبەت وتەمىس ۇلى اتىنداعى وقۋشىلار سارايىندا «ءبىز – ماحامبەت ۇرپاعىمىز» اتتى قالالىق بايقاۋدا توپ جارعان جەڭىمپازدار مەن جۇلدەگەرلەردى ماراپاتتاۋ ءراسىمى ءوتتى. بۇل بايقاۋ وقۋشىلار سارايىنا باتىر, اقىن بابامىزدىڭ اتى بەرىلگەنىنە 10 جىل تولۋى قۇرمەتىنە ورايلاستىرىلىپتى.
ءۇش نوميناتسيا بويىنشا وتكىزىلگەن بايقاۋدىڭ «بابادان قالعان ۇرپاقپىز» سىنىندا 37 وقۋشى اقىن ومىرىنەن پروزالىق جانردا شىعارما, ەسسە جازىپ, ءوز باقتارىن سىنادى. ناتيجەسىندە ءبىرىنشى ورىندى №40 ورتا مەكتەپ وقۋشىسى باعنۇر مەيرامبەكوۆ يەلەندى. ەكىنشى جۇلدەنى №6 مەكتەپ گيمنازيا وقۋشىسى ايىم مەڭدىباەۆا مەن №38 مەكتەپ ليتسەيىنىڭ وقۋشىسى ەلدار بىتىباەۆ ءوزارا بولىسسە, ءۇشىنشى سىيلىققا №20 ورتا مەكتەبىنىڭ وقۋشىسى مارال نۇراحمەتوۆا مەن №1 مەكتەپ ليتسەيىنىڭ وقۋشىسى كارينا سماعۇلوۆا لايىق دەپ تانىلدى.
«بابادان قالعان ناقىل ءسوز» نوميناتسياسىندا 75 تالاپكەر اقىن ولەڭدەرىن جاتقا ايتىپ سىنعا تۇسسە, ولاردىڭ ىشىندە №48 مەكتەپ گيمنازياسىنىڭ وقۋشىسى راۋان ءابدۋاليدىڭ باعى جانىپ, باس جۇلدەنى يەلەندى. ءبىرىنشى ورىن №67 مەكتەپ ليتسەيىنىڭ وقۋشىسى نۇربول كوكەنوۆكە بۇيىردى. ال ەكىنشى ورىندى №21 ورتا مەكتەپ وقۋشىسى زارينا احمەتوۆا مەن №40 ورتا مەكتەپ وقۋشىسى نۇرمۇحاممەد جاردەمبەك ەنشىلەسە, ءۇشىنشى جۇلدەلەردى№56 مەكتەپ ليتسەيىنىڭ وقۋشىسى توعجان ورازاەۆا مەن №4 مەكتەپ گيمنازياسىنىڭ وقۋشىسى ءزۇلفايدار مۇحاممەد يەلەندى.
«باتىرعا ارناۋ» شارتى دا تالاپكەرلەردىڭ تالپىنىسىن كۇشەيتكەندەي. مۇندا 35 ۇمىتكەر – جاس اقىندار پوەزيالىق جانردا ماحامبەت باتىرعا ارناعان جۇرەكجاردى ولەڭدەرىن ۇسىندى. بۇل سىندا №69 مەكتەپ گيمنازيا وقۋشىسى تاڭنۇر البولسىن ءبىرىنشى ورىن يەگەرى اتانسا, ەكىنشى ورىندى №40 مەكتەپ وقۋشىسى ەلدوس انىكەي يەلەندى. ءۇشىنشى ورىنعا تاعايىندالعان جۇلدەنى №4 مەكتەپ گيمنازيا وقۋشىسى ىڭكار قاجىبەك پەن №65 مەكتەپ گيمنازيا وقۋشىسى سانجار تامەنوۆ ولجالادى. سونىمەن قاتار, بايقاۋعا قاتىسقان بىرقاتار ورەندەر ارنايى ديپلومدارمەن ماراپاتتالدى.
بايقاۋ جەڭىمپازدارىنىڭ ۇزدىك شىعارمالارى «باتىر بابام ماحامبەت» اتتى جيناقتا جاريالانباق.
ءابدىراحمان قىدىربەك,
«ەگەمەن قازاقستان».
