تۇراقتىلىقتان قىمبات بايلىق جوق

وسى كۇندەرى قىر­عىز­ستاندا بولعان وقي­عالار بارىمىزگە اۋىر ءتيىپ, الاڭداتۋشىلىق تۋدىرىپ وتىر. قارۋ­لى قاقتىعىسقا سوق­تىر­­عان ساياسي قايشى­لىق­تار تۇراقسىز­دىققا الىپ كەلدى. ادامدار مەرت بولىپ, اينالانى وت شارپىپ جات­قان­دا وعان قانداي دا ءبىر تۇسىنىك­تەمە بەرىپ, ءسوز تابۋ وتە قيىن. ادام ومىرىنەن, تۇراقتىلىق پەن ءتارتىپ­تەن قۇندى نە بار دەيسىز؟ بۇل وقيعا الىس-شالعايدا ەمەس, ءوزىمىزدىڭ كورشىمىز, اعايىن حالىق – قىرعىز ەلىندە بولۋى ءبىز ءۇشىن وتە اۋىر. قىرعىزستانداعى قايعىلى وقي­عالار قوعامداعى تۇراق­تى­لىق پەن حالىق بىرلىگى قاي ەلدىڭ, قاي مەم­لە­كەتتىڭ بولسا دا دامۋىنىڭ باس­تى شارتى ەكەندىگىن, سونداي-اق, قانداي دا ساياسي پروبلەمالار مەملەكەتتى تۇراقسىزدان­دىرىپ, قوعامدى ىدىراتۋ مەن ازاماتتاردى ءبىر-بىرىنە قارسى قويۋ ەسەبىنەن شەشىلۋى مۇمكىن ەمەس ەكەندىگىن تاعى ءبىر كورسەتتى. تەك الەۋمەتتىك ماسەلەلەردى ءبىرىزدى شەشۋ, ءتيىمدى ەكونومي­كا­لىق ساياساتتى ىسكە اسىرىپ, ۇيلە­سىم­دى ىشكى ساياساتتى جۇرگىزۋ عانا قوعامدىق كەلىسىمگە قول جەتكىزىپ, مەملەكەتتىڭ تابىستى دامۋىنا جاعداي جاسايدى. نۇرلان نىعماتۋلين, “نۇر وتان” حدپ توراعاسى­نىڭ ءبىرىنشى ورىنباسارى.