ەلىمىزدەگى بالىق شارۋاشىلىعىنىڭ جاعدايى ەشقانداي سىن كوتەرمەيدى. سوڭعى 25 جىلدا بالىق اۋلاۋ كولەمى ءۇش ەسەگە جۋىق, 100 مىڭ توننادان 36 مىڭ تونناعا دەيىن ازايىپ كەتتى. 2012 جىلدىڭ قورىتىندىسى بويىنشا قولدان وسىرىلگەن تاۋارلى بالىق ونىمدەرى 1 مىڭ تونناعا دا جەتپەيدى. قازىرگى ۋاقىتتا رەسپۋبليكامىزدا بالىق ونىمدەرىن تۇتىنۋ جان باسىنا شاققاندا جىلىنا, تاعامتانۋ ينستيتۋتى ۇسىنىپ وتىرعان 14,6 كگ. مولشەرىنىڭ ورنىنا, 5,2 كگ. بولىپ وتىر. سالانىڭ قاناعاتتانعىسىز جاعدايىنا ءبۇگىنگى كۇنى ەلىمىزدە بالىق شارۋاشىلىعى سالاسىن دامىتۋدىڭ ۇزاق مەرزىمدى سالالىق باعدارلاماسى بولماۋى كەرى اسەرىن تيگىزۋدە.
ەلىمىزدەگى بالىق شارۋاشىلىعىنىڭ جاعدايى ەشقانداي سىن كوتەرمەيدى. سوڭعى 25 جىلدا بالىق اۋلاۋ كولەمى ءۇش ەسەگە جۋىق, 100 مىڭ توننادان 36 مىڭ تونناعا دەيىن ازايىپ كەتتى. 2012 جىلدىڭ قورىتىندىسى بويىنشا قولدان وسىرىلگەن تاۋارلى بالىق ونىمدەرى 1 مىڭ تونناعا دا جەتپەيدى. قازىرگى ۋاقىتتا رەسپۋبليكامىزدا بالىق ونىمدەرىن تۇتىنۋ جان باسىنا شاققاندا جىلىنا, تاعامتانۋ ينستيتۋتى ۇسىنىپ وتىرعان 14,6 كگ. مولشەرىنىڭ ورنىنا, 5,2 كگ. بولىپ وتىر. سالانىڭ قاناعاتتانعىسىز جاعدايىنا ءبۇگىنگى كۇنى ەلىمىزدە بالىق شارۋاشىلىعى سالاسىن دامىتۋدىڭ ۇزاق مەرزىمدى سالالىق باعدارلاماسى بولماۋى كەرى اسەرىن تيگىزۋدە.
قازاقستان پرەزيدەنتىنىڭ 2013 جىلعى 30 مامىرداعى №577 جارلىعىمەن قازاقستان رەسپۋبليكاسىنىڭ «جاسىل ەكونوميكاعا» ءوتۋ تۇجىرىمداماسى بەكىتىلدى. ۇكىمەتتىڭ 2013 جىلعى 6 تامىزداعى №750 قاۋلىسىمەن «جاسىل ەكونوميكاعا» ءوتۋ تۇجىرىمداماسىن ىسكە اسىرۋ بويىنشا ءىس-شارالار جوسپارى بەكىتىلدى, وندا بالىق شارۋاشىلىعىن دامىتۋدىڭ 2020 جىلعا دەيىنگى باعدارلاماسىن ازىرلەۋ كوزدەلگەن. بۇل باعدارلامادا سالانى باسقارۋ جۇيەسىنىڭ تيىمدىلىگىن ارتتىرۋ نەگىزىندە بالىق شارۋاشىلىعىن دامىتۋ, نورماتيۆتىك قۇقىقتىق بازانى جەتىلدىرۋ, بالىق رەسۋرستارىن قورعاۋ جانە مولايتۋ, عىلىمي جانە وندىرىستىك كادرلاردى دايىنداۋ بويىنشا شارالار كوزدەلۋ قاجەت. سونىمەن قاتار, بالىق ءوسىرۋ كەشەنى كاسىپورىندارىنىڭ وندىرىستىك قۋاتتارىن ەڭ باعالى, از جانە جويىلىپ كەتۋ قاۋپى تونگەن بالىق تۇرلەرىن وسىرۋگە باعىتتاي وتىرىپ قايتا جاڭعىرتۋدى جوسپارلاۋ كەرەك.
ءسويتىپ, باعدارلاما بالىق شارۋاشىلىعىن ۇزاق مەرزىمگە ساتىلاپ دامىتۋدىڭ باعىت-باعدار انىقتاۋى ايقىنداۋى ءتيىس. سوندىقتان دا ساپالى جانە حالىقارالىق تاجىريبەگە نەگىزدەلگەن باعدارلاما ازىرلەۋ ءۇشىن ماقساتتى تۇردە بەلگىلى ءبىر مولشەردە بيۋدجەتتەن قاراجات ءبولىنۋى قاجەت دەپ ەسەپتەيمىز. بۇدان باسقا, 8 وبلىسارالىق باسسەيندىك بالىق شارۋاشىلىعى ينسپەكتسيالارىن قارجىلاندىرۋ, اسىرەسە, جانار-جاعارماي ساتىپ الۋعا, اۋماقتىق ينسپەكتسيالاردى ماتەريالدىق-تەحنيكالىق جاراقتاندىرۋعا بولىنەتىن قارجى جەتكىلىكسىز ەكەنىن اتاپ كورسەتەمىز. ءبىر عانا مىسال, سوڭعى ءۇش جىل بويى اۋماقتىق ينسپەكتسيالاردى جانار-جاعارمايمەن قامتاماسىز ەتۋ جانار-جاعارمايعا دەگەن سۇرانىستىڭ تەك 20 پايىزىن عانا وتەپ كەلەدى. بۇگىنگى كۇنى اۋماقتىق ينسپەكتسيالاردىڭ نەگىزگى قۇرالدارعا دەگەن قاجەتتىلىگى 2 ملرد. تەڭگەدەن اسىپ وتىر, ونىڭ ىشىندە, تەك 2 تەڭىز كەمەسىن ساتىپ الۋدىڭ وزىنە عانا 1,4 ملرد. تەڭگە كەرەك ەكەن, ول قارجىنى 2015 جىلعا بەلگىلەۋ قاجەت.
ۇكىمەت وسى ماسەلەلەردى قاپەرگە الا وتىرىپ, بالىق شارۋاشىلىعى سالاسىنا تومەندەگى مولشەردە قارجى ءبولۋ ءمۇمكىندىگىن قاراستىرۋ جونىندە تيiستi مەملەكەتتiك ورگاندارعا تاپسىرما بەرسە, ۇتارىمىز كۇمانسىز:
1). 2020 جىلعا دەيىنگى بالىق شارۋاشىلىعىن دامىتۋ باعدارلاماسىن ازىرلەۋ ءۇشىن – 200,0 ملن. تەڭگە.
2). اۋماقتىق ينسپەكتسيالاردى جانار-جاعارمايمەن قامتاماسىز ەتۋگە 2014-2016 جىلدارعا – 544,1 ملن. تەڭگە.
3). اۋماقتىق ينسپەكتسيالاردى ماتەريالدىق-تەحنيكالىق جاراقتاندىرۋعا 2014-2016 جىلدارعا – 2142,9 ملن. تەڭگە.
سارسەنباي ەڭسەگەنوۆ,
سەنات دەپۋتاتى.
