العاشقى تايمدا قىرعىزستاندىق گۇلجىگىت الىقۇلوۆ گول سوعىپ, كومانداسىن العا شىعارعان. "قايراتتىڭ" تولىقتاي باسىمدىلىعىمەن وتكەن ءبىرىنشى تايمدا الماتىلىق كوماندادا گول سوعاتىن تاعى بىرنەشە مۇمكىندىك بولدى. ءتىپتى ءبىر ساتتە ابات ايىمبەتوۆ قاقپاشىمەن بىرگە-ءبىر شىعىپ گول سوعا المادى.
الماتىلىقتار ەكىنشى تايمدى دا قارقىندى باستادى. العاشقى بەس مينۋتتىڭ ىشىندە ەكى گول سوعىپ, ويىن تاعدىرىن شەشتى. الدىمەن 46-مينۋتتا ايبول ابىكەن الىقۇلوۆتىڭ پاسىنان كەيىن كوزگە ءتۇستى. ال 49-مينۋتتا "استانا" قورعاۋشىسى راداكوۆيچ ءوز قاقپاسىنا گول سوعىپ الدى. بۇل ساتتە دە سوققىنى گۇلجىگىت جاساعان ەدى. وسىلايشا بۇگىنگى ويىندا قىرعىز ويىنشىسى ءۇش گولعا دا تىكەلەي اسەر ەتتى.
وسىدان كەيىن «قايرات» ءسال تىزگىن تارتا ويناعانداي بولدى. بىراق «استانا» مۇنى پايدالانىپ, ەسەپتى قىسىقارتۋعا مۇمكىندىك العان جوق. قايتا "قايرات" ەسەپ ايىرماسىن بۇدان دا ۇلعايتۋى مۇمكىن ەدى. ايىمبەتوۆ تاعى ءبىر مارتە قاقپاشىمەن بەت-بەت شىعىپ, ءمۇلت كەتتى. سونداي-اق, ابات تاعى سوققان تاعى ءبىر گول ەسەپكە الىنبادى.
وسى جەڭىستەن كەيىن "قايرات" 29 ۇپاي جيناپ, تۋرنيرلىك كەستەدە جەكە دارا كوش باستادى. ال "استانا" ەكىنشى ورىندا تۇر (21 ۇپاي).
