قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ شۆەيتساريا كونفەدەراتسياسىنىڭ ەلشىسى ماۋرو رەينامەن كەزدەستى, دەپ حابارلادى سەناتتىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ شۆەيتساريا كونفەدەراتسياسىنىڭ ەلشىسى ماۋرو رەينامەن كەزدەستى, دەپ حابارلادى سەناتتىڭ ءباسپاسوز قىزمەتى.
اڭگىمە بارىسىندا 12-14 قاراشا ارالىعىندا شۆەيتساريا كونفەدەراتسياسى كانتوندار كەڭەسىنىڭ (پارلامەنتتىڭ جوعارعى پالاتاسى) پرەزيدەنتى فيليپپو ءلومبارديدىڭ قازاقستانعا رەسمي ساپارى اياسىنداعى ەكى ەلدىڭ پارلامەنتارالىق ءوزارا ءىس-قيمىل ماسەلەلەرى تالقىلاندى. ودان باسقا, استاناداعى ەكسپو-2017 مامانداندىرىلعان حالىقارالىق كورمەسىنە ازىرلىك, 2014 جىلى شۆەيتساريانىڭ ەقىۇ-عا توراعالىعى جانە قازاقستاننىڭ 2017-2018 جىلداردا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ۇمىتكەرلىگىن ىلگەرىلەتۋ سەكىلدى ىنتىماقتاستىقتىڭ ماڭىزدى اسپەكتىلەرى اتاپ ءوتىلدى.
سول كۇنى ق.توقاەۆ امەريكا قۇراما شتاتتارىنىڭ ۋاقىتشا سەنىمدى وكىلى دجون وردۆەيدى دە قابىلدادى. جۇزدەسۋشىلەر قازاقستان-امەريكا قاتىناستارىنىڭ وزەكتى ماسەلەلەرى بويىنشا پىكىر الماستى.
