ايماقتار • 02 قازان، 2020

قىزىلوردا وبلىسىنىڭ اكىمى ۇزدىك ۇستازداردى ماراپاتتادى

71 رەت كورسەتىلدى

بۇگىن وبلىس اكىمى گۇلشارا ابدىقالىقوۆا ۇستازدار كۇنى مەرەكەسىنە ارنالعان "ۇستازىم - ۇلاعاتتى ونەگەم" اتتى ارنايى جيىنعا قاتىسىپ، ۇزدىك ۇستازداردى ماراپاتتادى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

سالتاناتتى شارادا ايماق باسشىسى پەداگوگتارعا مەملەكەتتىك قولداۋ شارالارىنىڭ قارقىندى جۇرگىزىلىپ جاتقانىن، ۇستازداردىڭ ءبىلىم بەرۋ سالاسىندا تابىستى جەتىستىكتەرىن اتاپ ءوتىپ، كاسىبي مەرەكەمەن قۇتتىقتايدى.

"بۇل مەرەكە شىن مانىندە بارشا حالىققا ورتاق. ويتكەنى، كەز كەلگەن ماماندىق، كەز كەلگەن لاۋازىم يەسى ۇستازدان ءبىلىم، تاربيە الادى. جاڭا ءداۋىر تالابىنا ساي وزىق تۇرعان مۇعالىم عانا شاكىرت الدىندا بەدەلى بيىك بولارى ءسوزسىز. ەلىمىزدە "پەداگوگ مارتەبەسى تۋرالى" زاڭ قابىلداندى، ءبىلىم مەن عىلىمدى دامىتۋدىڭ 2020-2025 جىلدارعا ارنالعان باعدارلاماسى بەكىتىلدى. ناتيجەسىندە، بيىلدان باستاپ پەداگوگ جانە ولارعا تەڭەستىرىلگەن قىزمەتكەرلەردىڭ ەڭبەكاقىسى وسۋدە. بۇل – ايماق پەداگوگتارىنا مەملەكەت تاراپىنان كورسەتىلگەن ۇلكەن قولداۋ"، - دەدى وبلىس اكىمى.

2021 جىلدىڭ قاڭتارىنان مۇعالىمدەردىڭ ەڭبەكاقىسىن 25 پايىزعا كوبەيتىلەدى. وسى باعىتتا الداعى ءۇش جىلدا 1،2 تريلليون تەڭگە بولىنەتىن بولادى. بيىلعى جىلدىڭ وزىندە بۇل ماقساتتا رەپۋبليكالىق بيۋدجەتتەن وبلىسقا 27،4 ملرد تەڭگە قارجى ءبولىندى.

وبلىس اكىمى سالتاناتتى جيىندا ەڭبەگىمەن تانىلىپ، قۇرمەتكە بولەنگەن بىرقاتار ۇستازداردى ەڭ جوعارى ماراپات – ى.التىنسارين اتىنداعى توسبەلگى مەن ء"بىلىم بەرۋ ءىسىنىڭ قۇرمەتتى قىزمەتكەرى" توسبەلگىسىن تابىستادى. قۇرمەتكە يە بولعاندار قاتارىندا ق.مۇحامەدجانوۆ اتىنداعى №1 مەكتەپ-گيمنازيا مۇعالىمى كلارا ەسماعانبەتوۆا، قازانعاپ اتىنداعى قىزىلوردا مۋزىكالىق جوعارى كوللەدجىنىڭ وقىتۋشىسى ءاسيا بوراقۇلوۆا مەن قازالى اۋدانى، №225 ورتا مەكتەبىنىڭ مۇعالىمى روزا سەكسەنباەۆا بار.

سونداي-اق ۇلگىلى ۇستازداردى قۇرمەت گراموتاسىمەن ماراپاتتادى. ال، ءبىلىم بەرۋ سالاسىنا ۇلەس قوسقان 30 ۇستازعا نوۋتبۋك تابىس ەتتى.

شارادا ونلاين رەجيمىندە بەينە كونفەرەنتس بايلانىس ارقىلى اۋدانداردان ۇزدىك پەداگوگتار قاتىسىپ، مەرەكەلىك لەبىزدەرىن ءبىلدىردى.

ايتا كەتەيىك، بيىل العاش رەت سىر ەلىندە تاۋەلسىزدىك كۇنى قارساڭىندا ءبىلىم سالاسىنا ۇلەس قوسقان پەداگوگتارعا ەرەكشە توسبەلگى تابىستالادى. سونىمەن بىرگە 10 ۇستازعا 300 ايلىق ەسەپتىك كورسەتكىش مولشەرىندە، ياعني ءار ۇستازعا 833 مىڭ تەڭگە قارجىلاي سىياقى بەرىلەدى. ۇستازداردى قولداۋ شارالارى قارقىندى جۇرگىزىلەدى. 

سوڭعى جاڭالىقتار

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار