اتالعان بۇيرىق ەلەكتروندى شوت-فاكتۋرالاردى جازىپ بەرۋ ارقىلى ۆيرتۋالدى قويمامەن جۇمىس ىستەۋدىڭ قولدانىستاعى تەتىگىن قولدانۋعا نەگىزدەلگەن جانە حالىقتىڭ الەۋمەتتىك وسال توپتارىن قورعاۋ ماقساتىندا, سونداي-اق التىن/قۇرامىندا التىنى بار كەندى ءوندىرۋدى باقىلاۋدى كۇشەيتۋ جانە ونىڭ كولەڭكەلى اينالىمىن ازايتۋ جونىندەگى جول كارتاسىن ىسكە اسىرۋ ماقساتىندا ءدارى-دارمەكتەر اينالىمىنىڭ, باعا بەلگىلەۋدىڭ مەملەكەتتىك مونيتورينگىن قامتاماسىز ەتۋ ءۇشىن ازىرلەنگەن.
«ۆيرتۋالدى قويما» ءمودۋلى تاۋارلارىنىڭ تىزبەسىنە دارىلىك زاتتار بويىنشا سەق تن 39 كودى جانە قۇرامىندا التىن بار تاۋارلار بويىنشا سەق تن 12 كودى ەنگىزىلدى.
جوعارىدا اتالعان تاۋار توپتارى ءۇشىن «ۆيرتۋالدى قويما» مودۋلىندە ەشف جازىپ بەرۋ جونىندەگى مىندەتتەمە 2020 جىلعى 1 قازاننان باستالادى. بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. 2020 جىلعى 17 قىركۇيەكتە بۇيرىق قر نقا ەتالوندى باقىلاۋ بانكىندە ەلەكتروندى تۇردە رەسمي جاريالاندى. 2020 جىلعى 28 قىركۇيەكتە بۇيرىق كۇشىنە ەنەدى.
«ۆيرتۋالدى قويما» ءمودۋلى ارقىلى ەشف جازىپ بەرۋ ەشف اج پورتالىندا تەگىن ۇسىنىلادى. «ۆيرتۋالدى قويما» ءمودۋلى ارقىلى ەشف جازىپ بەرۋ بويىنشا تەحنيكالىق فۋنكتسيونال, ەشف اج-مەن جۇمىس ىستەۋ كەزىندە قادامدىق ءىس-قيمىلدار كەلتىرىلگەن پايدالانۋشى نۇسقاۋلىعى, سونداي-اق تەحنيكالىق قۇجاتتار مەملەكەتتىك كىرىستەر كوميتەتى سايتىنىڭ «ەشف اج» بولىمىندە ورنالاستىرىلعان. بۇل تۋرالى اتالعان كوميتەتتىڭ ءباسپاسوز قىزمەتى حابارلادى.
