2020 جىلعى 30 قىركۇيەكتە قازاقستاندىق باق ءۇشىن KTZE-Khorgos Gateway قۇرعاق پورتىنا جانە التىنكول شەكارالىق تەمىر جول ستانساسىندا ءباسپاسوز تۋرى ءوتتى. تۋرعا قاتىسۋشىلارعا قازاقستان – قىتاي شەكاراسىندا جۇك اعىندارىن جەدەل وتكىزۋ ءۇشىن «قتج» ۇك» اق قۇرعان زاماناۋي ينفراقۇرىلىم تانىستىرىلدى. KTZ Express اق مۋلتيمودالدىق كومپانياسى وپەراتورى بولىپ وتىرعان KTZE-Khorgos Gateway لوگيستيكالىق حابى – قازاقستان مەن قىتاي شەكاراسىنداعى «قورعاس – شىعىس قاقپاسى» ارنايى ەكونوميكالىق ايماعىنىڭ اۋماعىندا ستراتەگيالىق ءتيىمدى جەردە ورنالاسقان ورتالىق ازياداعى ەڭ ءىرى قۇرعاق پورت سانالادى.
قۇرعاق پورت اۋماعىندا جالپى اۋدانى 102,8 گەكتار جوعارى كلاستى لوگيستيكالىق سەرۆيستى قامتاماسىز ەتۋ ءۇشىن جالپى ۇزىندىعى 24 شاقىرىم تەمىر جول جولدارى, كونتەينەرلەردى, باستى جۇكتەردى, اۆتوموبيلدەر مەن جابدىقتاردى قايتا تيەۋ بويىنشا تيەۋ/تۇسىرۋ جۇمىستارىنا ارنالعان كونتەينەرلىك تەرمينالدا 6 كىرمە جول, بىرجولعى ساقتاۋعا ارنالعان 18 مىڭنان استام مامانداندىرىلعان كونتەينەرلىك الاڭ ورنالاسقان. وندا 2 ۋاقىتشا ساقتاۋ قويماسى, جالپى اۋدانى 10 مىڭ شارشى مەتر, 1400 شارشى مەتر تەحنيكانى, ونىڭ ىشىندە رەفرەجيراتورلىق كونتەينەرلەردى جوندەۋ جانە قىزمەت كورسەتۋ شەبەرحاناسى, سونداي-اق اۆتوموبيلدەردى تار جانە كەڭ جولتاباندارمەن تۇسىرۋگە ارنالعان اپپارەلدەر بار.
قۇرعاق پورت التىنكول ستانساسىنداعى ەڭ قۋاتتى تەرمينال سانالادى. بۇل قازىرگى زامانعى قايتا تيەۋ تەحنيكاسىمەن, ۆاگوندار مەن كونتەينەرلەردى ەسەپكە الۋدىڭ جاڭا اۆتوماتتاندىرىلعان جۇيەسىمەن جابدىقتالعان جانە قازاقستان – قىتاي شەكاراسى ارقىلى وتەتىن جۇكتەردى وڭدەۋ, ساقتاۋ جانە اۋىستىرىپ تيەۋ سالاسىندا قىزمەتتەردىڭ تولىق سپەكترىن كورسەتەدى.
KTZ Express اق لوگيستيكا جونىندەگى ۆيتسە-پرەزيدەنتى نۇرلان يگەمباەۆتىڭ ايتۋىنشا, قىتايدان ەۋروپاعا, رەسەيگە جانە ورتالىق ازياعا باراتىن مارشرۋتتار ءداستۇرلى تۇردە قازاقستان اۋماعى ارقىلى وتەتىن ەڭ سۇرانىسقا يە باعدارلار.
«2020 جىلعى قاڭتار-تامىز ايلارىندا قىتاي – ەۋروپا – قىتاي باعىتى بويىنشا تاسىمالداۋ كولەمى 306,6 مىڭ جفە قۇرادى, بۇل 2019 جىلعى وسى كەزەڭ كولەمدەرىمەن سالىستىرعاندا 62%-عا ءوستى; قىتاي – ورتالىق ازيا-قىتاي باعىتى بويىنشا ءوسىم 29%-دى نەمەسە 149,2 مىڭ جفە قۇرادى; ەسەپتى كەزەڭدە قىتايدان رەسەيگە 31,2 مىڭ جفە تاسىمالداندى, ءوسىم وتكەن جىلدىڭ ۇقساس كەزەڭىمەن سالىستىرعاندا 47%-دى قۇرادى. ەگەر التىنكول ستانساسى مەن قۇرعاق پورت ارقىلى تاسىمالداناتىن جۇكتەردىڭ نومەنكلاتۋراسى تۋرالى ايتاتىن بولساق, بۇل – حالىق تۇتىناتىن تاۋارلار, مەتالدار, حيميكاتتار جانە گاباريتتى ەمەس جۇكتەر, مىسالى, بيىل قىركۇيەك ايىندا KTZE-Khorgos Gateway قۇرعاق پورتىنىڭ تيەۋ تەرمينالىن ىسكە قوسۋ ارقىلى قىتايدان تۇرىكمەنستانعا 300 گاباريتتى ەمەس تەحنيكا – John Deere اۋىل شارۋاشىلىعى كومبايندارى جىبەرىلدى. ايتا كەتەلىك, John Deere كومپانياسى 2017 جىلدان باستاپ اۋىل شارۋاشىلىعى تەحنيكاسىن تاسىمالداۋعا بىزگە سەنىم بىلدىرەدى. ىنتىماقتاستىقتىڭ ءۇش جىلى ىشىندە 1 474 كومبايندى تاسىمالدادىق. ال التىنكول ستانساسى ارقىلى بيىل بىرقاتار جاڭا كونتەينەرلىك مارشرۋتتاردى ىسكە قوستىق. بۇل تسزينحۋا (قحر) – باكۋ (ازەربايجان), سيان (قحر) – يزمير (تۇركيا) ترانسكاسپي حالىقارالىق كولىك باعىتى بويىنشا چەنسيان (قحر) – جودينو (بەلارۋس), تسزينان نان (قحر) – قىپشاق (تۇرىكمەنستان), تۇركمەنباشى (تۇرىكمەنستان) – تسينداو (قحر), سونداي – اق التىنكول – ماسكەۋ ءتۇيىنى ستانساسىنىڭ تۇراقتى كونتەينەرلىك سەرۆيسى», دەدى ن.يگەمباەۆ.
ونىڭ ايتۋىنشا, KTZ Express اق كومپانياسى بۇگىنگى تاڭدا ەڭ قولايلى تاريفتىك شارتتاردى جاساپ, قازاقستان ارقىلى وتەتىن بارلىق باعىتتاعى جۇكتەردىڭ جىلدامدىعى مەن ساقتالۋىنىڭ تولىق پارامەترلەرىن ۇسىنىپ وتىر. ۇزىندىعى 3128 شاقىرىمدى قۇرايتىن التىنكولدەن اقتاۋ پورتىنا دەيىنگى ۋچاسكەنى كونتەينەرلەر ءۇش تاۋلىك ىشىندە وتەدى, ال 2019 جىلعى 16 ساۋىردەن باستاپ «قازاقتەڭىزكولىكفلوتى» كومپانياسىنىڭ فيدەرلىك كەمەسى اپتا سايىن باكۋ پورتىنا 210-عا جۋىق كونتەينەر جەتكىزەدى, سول جەردەن جۇكتەر تەمىر جول ارقىلى گرۋزيا مەن تۇركياعا جونەلتىلەدى. مىسالى, قىتايلىق سياننان تۇركيانىڭ ىستانب ۇلىنا دەيىنگى ساپاردىڭ جالپى ۋاقىتى 16 كۇندى الادى», دەپ قوستى ول.
التىنكول بەكەتىنە ساپار بارىسىندا «قتج-جۇك تاسىمالى» جشس الماتى بولىمشەسى جت» فيليالىنىڭ التىنكول ستانساسى باستىعىنىڭ مىندەتىن اتقارۋشى نۇرجان قۇرمانالى ۇلى جەتىگەن – مەملەكەتتىك شەكارا ۋچاسكەسىندە ورنالاسقان كلاستان تىس جۇك ستانساسىنىڭ جۇمىسى تۋرالى اڭگىمەلەدى.
«بۇل 2012 جىلى اشىلعان ەكىنشى قازاقستان – قىتاي تەمىر جول وتكەلى. ستانسا ارقىلى قىتايدان ەۋروپاعا, پارسى شىعاناعى ەلدەرىنە, ورتالىق ازياعا, كاۆكازعا جۇك اعىنى وتەدى. 2020 جىلدىڭ 8 ايىندا ستانسا ارقىلى بارلىق سانيتارلىق-ەپيدەميالىق نورمالارعا سايكەس 1 551 كونتەينەرلىك پويىز ءوتتى, بۇل 2019 جىلمەن (736 كونتەينەرلىك پويىز) سالىستىرعاندا 110,7% ارتىق. وسى كەزەڭدە تار جول بويىنشا 2600-دەن استام جۇك پويىزى, كەڭ جول بويىنشا 3500-دەن استام پويىز قابىلداندى, وتكەن جىلدىڭ ۇقساس كەزەڭىمەن سالىستىرعاندا ءوسىم 55%-دى قۇرادى. كەڭ جول بويىنشا 3500-دەن استام پويىز جونەلتىلدى, بۇل 2019 جىلعى كورسەتكىشتەن 49%-عا جوعارى. قاڭتار-تامىز ايلارىندا جۇك اينالىمى 4 ملن تونناعا جەتتى, بۇل وتكەن جىلدىڭ سايكەس كەزەڭىمەن سالىستىرعاندا 55%-عا جوعارى», دەدى ن.قۇرمانالي ۇلى.
