ونىڭ ايتۋىنشا, مەملەكەتتىك ورگاندار BNPL (buy now, pay later – «قازىر ال, كەيىن تولە») نارىعىن رەتتەۋگە باعىتتالعان جاڭا زاڭ ازىرلەۋدى نەمەسە قولدانىستاعى زاڭناماعا وزگەرىستەر ەنگىزۋدى جوسپارلاپ وتىر. بۇل بانكتىك ەمەس ۇيىمدار, ماركەتپلەيستەر مەن ساۋدا ورىندارى ۇسىناتىن ءبولىپ تولەۋ قىزمەتتەرىنە قاتىستى.
مۇنداي ونىمدەر فورمالدى تۇردە نەسيە بولىپ سانالماسا دا, ءىس جۇزىندە كرەديتتىك مىندەتتەمەنىڭ بارلىق بەلگىلەرىنە يە.
«سوڭعى اقپاراتقا سايكەس, ۇلتتىق بانك بۇل تەتىكتى 2027 جىلدىڭ 1 قاڭتارىنان باستاپ ەنگىزۋدى جوسپارلاپ وتىر. ازاماتتىڭ الا الاتىن قارىزىنىڭ ەڭ جوعارعى شەگى نومينالدى تۇردە بەكىتىلەدى», دەدى ءمادينا ابىلقاسىموۆا.
سونىمەن قاتار رەتتەۋشى ورگان بيىل ۇلتتىق بانك ناقتى شەكتەۋ كورسەتكىشتەرىن ايقىندايتىنىن اتاپ ءوتتى. ياعني, ازاماتتىڭ جالپى قارىزىنىڭ كولەمى, سونداي-اق يپوتەكا, اۆتونەسيە جانە كەپىلسىز نەسيەلەر بويىنشا بولەك شەكتەۋلەر بەلگىلەنۋى مۇمكىن.
«ازاماتتىڭ جىلدىق تابىسىنا شاققانداعى جالپى قارىزدىڭ شەكتى كوەففيتسيەنتى ەنگىزىلەدى. بۇل – ۇلتتىق بانك قولداناتىن جاڭا ماكروپرۋدەنتسيالدىق قۇرال», دەدى اگەنتتىك باسشىسى.
قارۋ اسىنعانعا – قارىز جوق: ساربازدارعا نەسيە بەرۋگە نەگە تىيىم سالىنباق؟
