فوتو: اۋىل شارۋاشلىعى مينيسترلىگى
بۇل باعىتتاعى تابىستى جوبالاردىڭ ءبىرى – اگروفيرما كۋرما سەرىكتەستىگى. كاسىپورىن 2018 جىلى قۇس قالدىقتارىن وڭدەۋ ارقىلى بيوگاز ءوندىرۋ جۇيەسىن ەنگىزىپ, ەلەكتر جانە جىلۋ ەنەرگياسىن, سونداي-اق بيوتىڭايتقىش شىعارۋدى جولعا قويعان. جوبانىڭ جالپى ينۆەستيتسيالىق قۇنى 573 ملن تەڭگەنى قۇرايدى.
قازىرگى ۋاقىتتا بيوگاز ستانتسياسى تاۋلىگىنە 150 تونناعا دەيىن تاۋىق ساڭعىرىعىن وڭدەيدى. سونىڭ ناتيجەسىندە مەتان مولشەرى 65% بولاتىن 22-23 مىڭ م³ بيوگاز وندىرىلەدى. ال ەلەكتر ەنەرگياسىنىڭ ءوندىرىسى ساعاتىنا 600 كۆت-قا دەيىن جەتسە, ورگانيكالىق تىڭايتقىشتار كولەمى تاۋلىگىنە 20 تونناعا دەيىن ۇلعايعان.
تەحنولوگيانىڭ نەگىزى – ورگانيكالىق قالدىقتاردى فەرمەنتاتسيالاۋ. وسى ۇدەرىس بارىسىندا الىنعان بيوگاز ەلەكتر ەنەرگياسىن وندىرۋگە پايدالانىلادى. سونىمەن قاتار كاسىپورىن ءوز القاپتارىندا قولدانىلاتىن تىڭايتقىشتاردى ءوزى ءوندىرۋ ارقىلى يمپورتقا تاۋەلدىلىكتى ازايتىپ, شىعىندى قىسقارتىپ وتىر.
اۋىل شارۋاشىلىعى مينيسترلىگىنىڭ مالىمەتىنشە, جوبا ىسكە قوسىلعالى بەرى 15 ملن كۆت/ساع ەلەكتر ەنەرگياسى ءوندىرىلىپ, كاسىپورىننىڭ جىلدىق تابىسى 100-190 ملن تەڭگە ارالىعىندا قالىپتاسقان.
جالپى, «اگروفيرما كۋرما» تاجىريبەسى ءوندىرىس قالدىقتارىن ءتيىمدى يگەرۋ ارقىلى تۇراقتى ءارى تابىستى بيزنەس قالىپتاستىرۋعا بولاتىنىن كورسەتەدى. بۇل – وتاندىق اگروسەكتوردا ەكولوگيالىق تازا ءوندىرىستى دامىتۋدىڭ جانە قوسىمشا تابىس كوزىن ارتتىرۋدىڭ ناقتى ۇلگىسى.
