فوتو: shutterstock
بۇگىندە رەسپۋبليكا بويىنشا اكىمشىلىك وندىرىستەردىڭ بىرىڭعاي ءتىزىلىمى جۇيەسىمەن ينتەگراتسيالانعان مەملەكەتتىك دەرەكتەر بازالارىنىڭ مالىمەتتەرىن پايدالانۋ ارقىلى ساقتاندىرۋ ءپوليسى جوق 5 مىڭنان استام دەرەك, تەحنيكالىق بايقاۋدان وتپەگەن 5,5 مىڭنان استام دەرەك, قاۋىپسىزدىك بەلدىگىن تاقپاۋعا بايلانىستى شامامەن – 700 قۇقىق بۇزۋشىلىق, سونداي-اق كولىك قۇرالىن باسقارۋ كەزىندە تەلەفون قولدانۋدىڭ 6 دەرەگى انىقتالعان.
كولىك جۇرگىزۋ كەزىندە تەلەفون پايدالانۋ: بەينەباقىلاۋ كامەرالارى قالاي جۇمىس ىستەيدى؟
ىشكى ىستەر مينيسترلىگى تسيفرلىق شەشىمدەر جولداعى قاۋىپتى ارەكەتتەردى دەر كەزىندە انىقتاۋعا, ىقتيمال سالداردىڭ الدىن الۋعا جانە جاۋاپكەرشىلىكتىڭ بۇلتارتپاستىعىن قامتاماسىز ەتۋگە مۇمكىندىك بەرەتىنىن اتاپ ءوتتى.
«جولدا ءجۇرۋ قاعيدالارى ساقتالعان جاعدايدا ەشقانداي ايىپپۇل سانكتسيالارى قولدانىلمايدى. بۇل جۇيە جازالاۋ ءۇشىن ەمەس, قۇقىق بۇزۋشىلىقتاردىڭ الدىن الۋ جانە ازاماتتاردىڭ ءومىرى مەن دەنساۋلىعىن قورعاۋ ماقساتىندا ەنگىزىلگەن. ازاماتتاردى زاڭناما تالاپتارىنا جاۋاپكەرشىلىكپەن قاراپ, ساقتاندىرۋ ءپوليسىنىڭ بار-جوعىن الدىن الا تەكسەرىپ, تەحنيكالىق بايقاۋدان ۋاقىتىلى ءوتىپ, جولدا ءجۇرۋ قاعيدالارىن قاتاڭ ساقتاۋعا شاقىرامىز», دەلىنگەن مينيسترلىك تاراتقان حابارلامادا.
12 ناۋرىزدان باستاپ كامەرالار قانداي زاڭبۇزۋشىلىقتار ءۇشىن ايىپپۇل سالادى؟
