فوتو: اقوردا
ورتالىق قۇرىلعاننان باستاپ تارتىلعان ينۆەستيتسيا كولەمى 21,5 ميلليارد دوللارعا جەتتى (2025 جىلدان بەرى – 7,2 ميلليارد دوللار). ورتالىقتىڭ باسقارۋىنداعى اكتيۆتەردىڭ جالپى كولەمى 5,4 ميلليارد دوللاردى قۇرادى.
رەنات بەكتۇروۆتىڭ ايتۋىنشا, احقو قاتىسۋشىلارى ەل بيۋدجەتىنە 284,3 ميلليارد تەڭگە سالىق تولەگەن (2026 جىلعى 1 قاڭتارداعى جاعداي بويىنشا), بىلتىردىڭ وزىندە 135,9 ميلليارد تەڭگە اۋدارعان. سالىق تۇسىمدەرى وسۋىنە نەگىزىنەن قاتىسۋشىلار سانىنىڭ ارتۋى جانە ولاردىڭ قىزمەتىنىڭ جاندانۋى اسەر ەتتى. ماسەلەن, 2025 جىلدان باستاپ 1800-دەن استام جاڭا كومپانيا تىركەلدى. ورتالىق قاتىسۋشىلارىنىڭ جالپى سانى 5400-دەن استى.
مەملەكەت باسشىسى بۇۇ باس حاتشىسىنىڭ سۋ رەسۋرستارى جونىندەگى ارناۋلى وكىلىن قابىلدادى
قاسىم-جومارت توقاەۆقا احقو ورگاندارى مەن ۇيىمدارى اتقارعان جۇمىس ناتيجەلەرى باياندالدى. AIX بيرجاسى قۇرىلعاننان بەرى بورىشتىق جانە ۇلەستىك كاپيتال كولەمى 12,4 ميلليارد دوللارعا ارتتى. 2023-2025 جىلدارداعى ساۋدا-ساتتىق 4 ميلليارد دوللارعا جەتتى.
بىلتىردان بەرى احقو سوتى مەن حالىقارالىق تورەلىك ورتالىعى 1600-دەن استام ءىستى قارادى, ال ونىڭ جالپى سانى 4900-دەن استى.
مەملەكەت باسشىسىنا اۆياتسيالىق-قارجىلىق ەكوجۇيەنى دامىتۋ ماقساتىندا Aviation Finance Hub ىسكە قوسىلعانى تۋرالى مالىمەت بەرىلدى. بۇل باستاما اۋە كەمەلەرىن قارجىلاندىرۋ مەن ليزينگتى دامىتۋعا, سالالىق ساراپتامانى جەتىلدىرۋگە باعىتتالعان. سونداي-اق احقو گەولوگيالىق بارلاۋدىڭ باستاپقى كەزەڭدەرىندەگى جوبالارعا ينۆەستيتسيا تارتۋدى كوزدەيتىن ارنايى پلاتفورمانى ىسكە قوستى. ورتالىق ۆەنچۋرلىق قورلار مەن ستۋديالار جانە كراۋدفاندينگ پلاتفورمالار اشۋ ارقىلى وڭىردەگى كرەاتيۆتى يندۋستريانى قولداۋعا ارنالعان ەكوجۇيەنى دامىتۋدا.
مەملەكەت باسشىسى تۇركيانىڭ ۆيتسە-پرەزيدەنتى دجەۆدەت يىلمازبەن كەزدەستى
كەزدەسۋ سوڭىندا مەملەكەت باسشىسى ورتالىقتى ودان ءارى ىلگەرىلەتۋگە قاتىستى بىرقاتار مىندەت جۇكتەدى. وسى ورايدا, احقو-نىڭ حالىقارالىق بەدەلىن كۇشەيتۋ, رەتتەۋشى ورتاسىن جەتىلدىرۋ, ەلگە كاپيتال تارتۋ ءۇشىن بارىنشا قولايلى جاعداي جاساۋ جانە قازاقستاننىڭ قارجى نارىعىن دامىتۋ ماقساتىندا ورتالىق تاجىريبەسىن جاپپاي تاراتۋ قاجەت ەكەنىن اتاپ ءوتتى.
