ەلىمىزدىڭ «تۇرعىن ءۇي قاتىناستارى تۋرالى» زاڭىنا ەنگىزىلگەن وزگەرتۋلەرگە بايلانىستى سوعىس ارداگەرلەرى مەن جەتىمدەر ۇيىندە تاربيەلەنەتىن بالالار مەملەكەتتىك تۇرعىن ءۇي قورىنان كەزەكتەن تىس پاتەر الۋعا قۇقىلى.
ەلىمىزدىڭ «تۇرعىن ءۇي قاتىناستارى تۋرالى» زاڭىنا ەنگىزىلگەن وزگەرتۋلەرگە بايلانىستى سوعىس ارداگەرلەرى مەن جەتىمدەر ۇيىندە تاربيەلەنەتىن بالالار مەملەكەتتىك تۇرعىن ءۇي قورىنان كەزەكتەن تىس پاتەر الۋعا قۇقىلى.
وسى زاڭعا وراي وبلىس اكىمى قانات بوزىمباەۆ اتا-انا قامقورلىعىنا ءزارۋ 15 جەتكىنشەكپەن جىلىشىرايلى كەزدەسۋ وتكىزىپ, ولارعا تيەسىلى پاتەر كىلتتەرىن سالتاناتتى جاعدايدا تابىس ەتتى. پاتەرلى بولعان جەتىمدەردىڭ اراسىندا ق.سارىمولداەۆ اتىنداعى بالالار ءۇيىن 2008 جىلى بىتىرگەن الەكساندر مۋراۆەۆ دەگەن جىگىت تە بار. ۇيلەنىپ, ءبىر بالانىڭ اكەسى اتانعان ول بۇگىندە قالا ماڭىنداعى ءشولدالا اۋىلىندا پاتەر جالداپ تۇرىپ جاتقان بولاتىن. تاراز قالاسىنداعى «بايتەرەك» شاعىن اۋدانىنان بەرىلگەن «ءوز ءۇيى – ولەڭ توسەگىنىڭ» تابالدىرىعىنان اتتاعان ول «مىنا باقىت, مىنا سىي-سياپات راس پا, وتىرىك پە؟» دەگەندەي, قۋانىشتان جىلاپ جىبەردى. وسىنداي تاعى ءبىر پاتەر يەسى ايدوس قويلىباەۆ ءالى 9-سىنىپتا وقىپ ءجۇر ەكەن. ەندى, مىنە, ول دا ءوزىنىڭ ءۇي-جايى جوق اپكەسى ەكەۋى باسپانالى بولعانىنا قۋانىپ, پاتەرلەرىنىڭ تابالدىرىعىنان وڭ اياقتارىمەن اتتادى.
بۇگىندە تاراز قالاسىنداعى ق.سارىمولداەۆ اتىنداعى بالالار ۇيىندە – 283, ال مەركى اۋدانىنداعى ۆ.ساۆۆا اتىنداعى بالالار ۇيىندە 144 جەتىم بالا تۇرعىن ۇيگە ءزارۋ.
كوسەمالى ساتتىباي ۇلى,
«ەگەمەن قازاقستان».
تاراز.
