ايماقتار • 01 قازان، 2020

ىندەتتەن قايتىس بولعان مەديتسينا قىزمەتكەرلەرىنىڭ وتباسىلارىنا كومەك كورسەتىلدى

26 رەت كورسەتىلدى

كوروناۆيرۋس ىندەتى اياسىندا مەديتسينالىق مەكەمەلەردىڭ بارلىق قىزمەتكەرى ەكسترەمالدى جاعدايدا جۇمىس ىستەدى جانە ىقتيمال بولجامدارعا ساي دارىگەرلەر جۇمىس قارقىنىن باسەڭدەتكەن جوق. اۋىر ناۋقاستاردىڭ كوپ بولۋى، قىزمەتكەرلەردىڭ قورعانىس كوستيۋمدەرى مەن ماس­كالاردى ۇزاق ۋاقىت كيىپ ءجۇرۋ قاجەتتىلىگى، اۋرۋحانالاردى قايتا بەيىندەۋدىڭ جانە جاڭا توسەكتىك ورىنداردىڭ ورنالاستىرىلۋىنىڭ ۇيىمداستىرۋشىلىق قيىندىقتارى، جاقىنداردان وقشاۋلانۋ قاجەتتىلىگى، پاتسيەنتتەردىڭ قايتىس بولۋى – مۇنىڭ ءبارى دارىگەرلەرىمىزدىڭ كۇندەلىكتى بەتپە-بەت كەلەتىن قيىندىعى.

 

– ماڭعىستاۋ وبلىسىنىڭ بۇگىنگە دەيىنگى قايعىلى ستاتيستيكاسىن نەگىزگە الساق، ىن­دەتكە قارسى كۇرەستە 400-دەن اس­تام مەديتسينا قىزمەتكەرى كو­روناۆيرۋس ينفەكتسياسى مەن پنەۆ­مونيانى جۇقتىرعان. ال قايتىس بولعان مەديتسينا قىز­مەتكەرلەرىنىڭ سانى – 8.­ قاۋىپسىز ەڭبەك جاعدايى جا­نە قيىن جاعدايعا تاپ بول­­عان­دارعا كومەك كورسەتۋ ماسە­لەلەرى ءبىزدىڭ كاسىپ­وداقتىڭ ارقاشان باستى نازارىندا بولدى. بىراق بۇگىندە بۇل جايت ەرەكشە وزەكتى. كاسىپوداق ءۇشىن ءوز دەنساۋلىعىنا قاۋىپ ءتونىپ تۇرسا دا، باسقالارعا كومەكتەسەتىن مەديتسينا قىزمەتكەرلەرىن قولداۋدىڭ ماڭىزى ارتا ءتۇستى، – دەيدى ماڭ­عىستاۋ وبلىستىق دەنساۋ­لىق ساقتاۋ باسقارماسىنىڭ ءباس­­­پاسوز حاتشىسى نۇربول وقۋوۆ.

ونىڭ ايتۋىنشا، جۇمىس ورنىندا Covid-19 جۇقتىرعان مەديتسينا قىزمەتكەرلەرىنە وتەماقى تولەۋ جۇيەسىن رەتتەي­تىن قۇقىقتىق مەحانيزم بەلگىلى ءبىر نورمالار مەن ساناتتاردى بەلگىلەيدى. وعان بارلىق مە­دي­تسينا قىزمەتكەرى كىرە بەرمەيدى. وسىعان بايلانىستى «SENIM» دەنساۋلىق ساقتاۋ جۇيەسى جۇمىسكەرلەرىنىڭ سالالىق كاسىپتىك وداعى» رقب توراعاسىنىڭ باسشىلىعىمەن كاسىبي بورىشىن اتقارۋ كە­زىندە قازا تاپقان مەديتسينا قىزمەتكەرلەرىنىڭ وتباسىلارىنا ماتەريالدىق كومەك كورسەتۋ تۋرالى شەشىم قابىلداندى.

1

قازىرگى تاڭدا «SENIM» كاسىپوداعىنىڭ ماڭعىستاۋ وب­لىستىق فيليالى ىندەت كە­زىندە قازا تاپقان 3 مەديتسينا قىزمەتكەرىنىڭ وتباسىنا 1 ملن تەڭگەدەن قارجىلاي كو­مەك كور­سەتتى. ولاردىڭ اراسىندا مۇ­نايلى اۋداندىق ورتالىق اۋرۋحاناسىنىڭ قايتىس بولعان دارىگەرى مەن مەدبيكەسىنىڭ وتباسى، سونداي-اق جاڭاوزەن قا­لاسىنىڭ №2 ەمحاناسى دارى­گەرىنىڭ وتباسى بار.

– جالپى، ىندەت سەبەبىنەن قايتىس بولعان مەديتسينا قىز­مەتكەرلەرىنىڭ وتباسىنا 3 ملن تەڭگە كولەمىندە قارجىلاي كو­مەك كورسەتىلدى. ءبىز الداعى ۋا­قىتتا باسقا دا زارداپ شەككەن دارىگەرلەرگە قارجىلاي عانا ەمەس، مورالدىق كومەك كور­سەتەتىن بولامىز، – دەيدى ولار.

 

ماڭعىستاۋ وبلىسى

 

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار