قوعام • 01 قازان، 2020

كەزەكتى سمارتفون ارقىلى برونداي الادى

8 رەت كورسەتىلدى

ەندى حقكو-عا جانە مامان­داندىرىلعان حقكو-عا كەزەككە تىكەلەي eGovMobile قوسىم­شاسىندا تاپسىرىس بەرۋگە نەمەسە قايتا برونداۋعا بولادى. بۇل ءۇشىن ەڭ جاقىن ورنالاسقان حقكو/مامانداندىرىلعان حقكو-نى جانە كەلۋگە ىڭعايلى كۇن مەن ۋاقىتتى تاڭداۋ كەرەك.­ قىزمەتتى پايدالانۋ ءۇشىن «ار­نايى قىزمەتتەر» بولىمىندە «كەزەكتى ونلاين برونداۋدى» تاڭ­داۋ قاجەت.

«ۇلتتىق اقپاراتتىق تەحنو­لوگيا­لار» اق باسقارما توراعاسى اسەت تۇرىسوۆتىڭ ايتۋىنشا، حقكو-عا كەزەكتى برونداۋدى بارىنشا جەڭىلدەتۋ اتالعان قىز­مەتتى جۇزەگە اسىرۋداعى باستى ماق­سات بولدى.

ء«بىز پايدالانۋشىلارى­مىز­دىڭ كومپيۋتەرگە ءاردايىم كىرۋگە مۇمكىندىگى بولمايتىنىن جانە قوسىمشا ارقىلى كەزەككە تۇرۋ ىڭعايلى جانە جىلدام ەكەنىن ءتۇسىنىپ، قىزمەتتى قوسىمشاعا شى­عا­رۋ تۋرالى شەشىم قابىلدادىق»، دەدى ءا.تۇرىسوۆ.

سونداي-اق قوسىمشادا بىرنە­شە قىزمەتتى تاڭداۋ مۇمكىن­دىگى قاراس­تىرىلعان. ياعني قازاق­ستان­دىقتار ءبىر رەت بارۋ ءۇشىن ءۇش قىزمەتكە دەيىن الا الادى. ەگەر ازاماتقا بىرنەشە قىزمەت الۋ كەرەك بولسا، كەلۋ ماقساتىن تاڭداپ، «بىرنەشە قىزمەتتەر بەرۋ» تارماعىن بەلگىلەۋ قاجەت. سودان كەيىن برونداۋ كەزىندە وعان كوپ ۋاقىت بولىنەدى. بۇدان باسقا، قوسىمشادا ازاماتتار «مىندەتتى الەۋمەتتىك ساقتاندىرۋ جۇيەسىنە قاتىسۋشىعا الەۋمەتتىك اۋدارىمداردىڭ جاعدايى مەن قوزعالىسى تۋرالى اقپارات بە­رۋ» جاڭا قىزمەتىن پايدالانا وتى­رىپ، وزدەرىنىڭ الەۋمەتتىك ەسەپ­تەمەلەرىن تەكسەرە الادى. انىقتامانى بىرنەشە مينۋت ىشىندە الۋعا بولادى. ال «قۇ­قىق­تىق كومەك» بولىمىندە «قازاق­ستان رەسپۋبليكاسى ىشكى ىستەر مينيسترلىگىنىڭ ارنايى مەملە­كەتتىك مۇراعاتىنان مۇرا­عات­تىق انىقتامالاردى نەمەسە مۇراعاتتىق قۇجاتتاردىڭ كو­شىر­مەلەرىن الۋ» قىزمەتىن تاڭ­داپ، مۇراعاتتان قۇجاتتاردىڭ كوشىرمەلەرىن الۋعا بولادى.

قوسىمشادا ەلەكتروندى ۇكى­مەتتىڭ 70-تەن استام سۇرانىسقا يە قىزمەتى جانە تسيفرلى قۇجات­تاردىڭ 6 ءتۇرى ىسكە اسىرىلعانىن اتاپ وتەمىز.

eGovMobile ءموبيلدى قوسىم­شاسى GooglePlay جانە AppStore-دا جۇكتەۋگە قولجەتىمدى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار