رۋحانيات • 29 قىركۇيەك، 2020

جاپون راديوسىندا دا ديماشتىڭ اندەرى شىرقالادى

33 رەت كورسەتىلدى

قازان ايىنىڭ 1-نەن باستاپ جاپوندىق "FM Kiryu" راديوجەلىسىنىڭ "More Music" ياعني ۇلكەن اۋەندەر دەپ اتالاتىن باعدارلاماسىندا قازاقستاندىق ديماش قۇدايبەرگەننىڭ اندەرى شىرقالاتىن بولادى، دەپ حابارلايدى Egemen.kz Dimash.news سايتىنا سىلتەمە جاساپ.

"FM Kiryu" جەلىسى 2007 جىلى العاش رەت ەفيرگە شىقتى.

ال "More Music" – تىڭدارمانعا الەمدەگى ەڭ ۇزدىك اندەردى جەتكىزەتىن باعدارلاما. ءبىر ايدا ەكى رەت قانا ەفيرگە شىعادى. باعدارلامانىڭ 1 قازانداعى ارنايى شىعارىلىمى "Dimash special feature" دەپ اتالادى. قازاقستاندىق ءانشىنىڭ "اققۋىم"، "Across Endless Dimensions"، "Restart My Love"، "War and Peace" اندەرى شىرقالادى. كەلەسى كۇنى قازاننىڭ 2-دە باعدارلاما قايتالاۋى وتەدى.

د


1 قازان كۇنگى باعدارلاما ۋاقىتى:

نۇر-سۇلتان ۋاقىتىمەن 16:06-دەن-16:59-دەيىن;

ماسكەۋ ۋاقىتىمەن 13:06 –دەن 13:59-دەيىن;
كيەۆ ۋاقىتىمەن 13:06 -دەن 13:59-دەيىن;
توكيو ۋاقىتىمەن 19:06-دەن 19:59- دەيىن.

2 قازان كۇنگى قايتالاۋ ۋاقىتى:

نۇر-سۇلتان ۋاقىتىمەن 10:06-دەن-10:59-دەيىن;
ماسكەۋ ۋاقىتىمەن 07:06 -دەن 07:59-دەيىن;
كيەۆ ۋاقىتىمەن 07:06 -دەن 07:59-دەيىن;
توكيو ۋاقىتىمەن 13:06-دەن 13:59- دەيىن.

ماۋسىم ايىندا "FM Kiryu" راديوسى، جاپون Dears وتىنىشىمەن ديماشتىڭ "Screaming" ءانىن ەفيرگە شىعاردى. قازاقستاندىق ونەرپازدىڭ داۋىسىن ەستىگەن راديو جۇرگىزۋشىلەر تاڭداي قاعىپ، ۇلكەن اسەر الدى. ەفير بارىسىندا ولارعا تىڭدارماندار حابارلاسىپ، العىستارىن ءبىلدىرىپ، وڭ پىكىرىلەر ايتىلدى.

ءبىرىنشى ترانسلياتسيادان سوڭ جاپوندىق جانكۇيەرلەر سۇيىكتى انشىلەرىنىڭ تۋىندىلارىن راديوجەلى ارقىلى تاعى دا شىرقالۋىن سۇراپ، ۇسىنىس ءبىلدىردى. العاشىندا قازاق ۇلىنىڭ ءبىر عانا ءانى قويىلسا، ەندى  "Dimash special feature" ارنايى باعدارلاماسىندا ديماشتىڭ ءتورت بىردەي تۋىندىسى ترانسلياتسيالانادى.

جاپونيادا اۆتورلىق قۇقىق قاتتى قاداعالانادى. سوندىقتان راديودان بەرىلەتىن اندەردىڭ سانىنا شەكتەۋ قويىلادى. الايدا ديماشتىڭ فان-كلۋب وكىلدەرى سۇيىكتى انشىلەرىنىڭ تۋىندىلارىن راديودان بەرۋ ءۇشىن بار كۇشتەرىن سالدى. ولاردىڭ ەڭ ءبىرىنشى قالاۋى "اققۋىم" ءانى.

جاپونيادارى Dear-لار ءوز ەلىنىڭ راديوسىنان قازاق تىلىندەگى اۋەننىڭ ورىندالۋىنا قول جەتكىزدى.

"ديماشقا قانشالىقتى قاراساق، ونىڭ ۆوكالدىق قابىلەتتەرىنە سونشالىقتى تاڭدانامىز. سوندىقتان بىز ونىڭ جۇمىسىنا قولداۋ كورسەتۋگە ءدايىنبىز ارى ونى جۇزەگە اسىرعانىمىزعا قۋانىشتىمىز"، دەپ جازدى راديوباعدارلاما جۇرگىزۋشىسى كاتو كادزۋدجي ديماشتىڭ فان-كلۋبىنا.

مۇنداي جىلى حابارلاما العان ولار ديماشتىڭ ءانى جاپون راديوسىندا ءالى دە اۋەلەيتىنىنە سەنىمدى.

 

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار