قوعام • 28 قىركۇيەك، 2020

الماتىدا جىلۋ بەرۋ ماۋسىمى باستالدى

26 رەت كورسەتىلدى

قالا اكىمى ب. ساعىنتاەۆتىڭ تاپسىرماسى بويىنشا بۇگىننەن باستاپ الماتىدا جىلۋ بەرىلە باستادى، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ مالىمەتى بويىنشا جىلۋ جەلىلەرى مەن جىلۋمەن قامتۋ جۇيەلەرى 100% دايىن.

الماتى اكىمى ب. ساعىنتاەۆتىڭ تاپسىرماسىنا سايكەس ءبىرىنشى كەزەكتە جىلۋعا الەۋمەتتىك نىساندار قوسىلادى. بالاباقشالارعا، مەكتەپتەرگە، دەنساۋلىق ساقتاۋ نىساندارىنا بۇگىنگى كۇننەن باستاپ جىلۋ تولىق قۋاتىندا بەرىلەدى. تۇرعىن ۇيلەر اعىمداعى اپتا ىشىندە جىلۋ جۇيەلەرىنە قوسىلاتىن بولادى.

قالادا بارلىعى ورتالىق جىلۋ جۇيەسىنە قوسىلعان 444 ءبىلىم بەرۋ، 133 دەنساۋلىق ساقتاۋ نىسانى جانە 8024 كوپپاتەرلى ءۇي بار.

ايتا كەتەرلىگى، بۇعان دەيىن قالادا جىلۋ ءۇش كۇن ىشىندە اۋانىڭ تاۋلىكتىك ورتاشا تەمپەراتۋراسى 8 گرادۋستان تومەن بولعان جاعدايدا 15 قازاننان سوڭ بەرىلەتىن.

"قازگيدرومەتتىڭ" مالىمەتى بويىنشا الماتى مەن وبلىستا وسى جىلدىڭ قازانىندا اۋانىڭ ورتاشا ايلىق تەمپەراتۋراسى +6 +12°س شاماسىندا بولادى دەپ كۇتىلۋدە.

قازاننىڭ ءبىرىنشى ونكۇندىگىندە اۋا تەمپەراتۋراسىنىڭ تۇندە +8 +13°س-تان +3 +8°س-قا، وڭتۇستىكتە +11°س، تاۋلى جانە تاۋ بوكتەرىندەگى اۋدانداردا 0، +5°س-دەن 0، -5°س دەيىن تومەندەۋى كۇتىلەدى، كۇندىز +23 +28°س-دەن +10 +15°س-گە دەيىن، وڭتۇستىكتە +32°س-دەن +20°س-قا دەيىن. بۇدان سوڭ اۋا تەمپەراتۋراسى تۇندە +8 +13°س دەيىن، تاۋلى جانە تاۋ بوكتەرىندەگى اۋدانداردا +3°س، كۇندىز +23 +28°س دەيىن، وڭتۇستىكتە +32°س دەيىن كوتەرىلەدى. ونكۇندىكتىڭ سوڭىندا – اۋا تەمپەراتۋراسى تومەندەيدى.

قازاننىڭ ەكىنشى ونكۇندىگىندە اۋا تەمپەراتۋراسى تۇندە 0، +5°س-تان +8 +13°س دەيىن، تاۋلى جانە تاۋ بوكتەرىندەگى اۋدانداردا -3 -8°س-دەن -2 +3°س-گە دەيىن، كۇندىز +8 +13 دەيىن وزگەرەدى دەپ كۇتىلۋدە، تاۋلى جانە تاۋ بوكتەرىندەگى اۋدانداردا +3°س-تان +13 +18°س-گە دەيىن، وڭتۇستىكتە +21°س.

ءۇشىنشى ونكۇندىكتە اۋا تەمپەراتۋراسى تۇندە +5 +10°س-دەن 0، -5°س-قا دەيىن، تاۋلى جانە تاۋ بوكتەرىندەگى اۋدانداردا -10°س، كۇندىز +10 +15°س-تان 0، +5°س-قا دەيىن، ال وڭتۇستىكتە +20°س-دەن +10°س-قا دەيىن بىرتىندەپ تومەندەيدى دەپ بولجانۋدا.

سوڭعى جاڭالىقتار

ۇقساس جاڭالىقتار