وسى ورايدا جەر استىنداعى كارىز جۇيەلەرىن اۋىستىرۋ مەن جاڭعىرتۋدىڭ مۇنداي ەسكى تاسىلىنەن باس تارتىپ ونىڭ الەمدىك ستاندارتتارعا ساي جاڭا زاماناۋي تەتىكتەرىن تاجىريبەگە ەنگىزگەن اقسايلىق مامان-جۇمىسشىلاردىڭ باستاماسى بارەكەلدى دەۋگە ابدەن لايىقتى. جاڭا ءتاسىلدىڭ باستى وزگەشەلىگى مەن ارتىقشىلىعى جوعارىدا ايتىلعانداي جاعىمسىز جايتتەردىڭ ءبىر دە ءبىرى بولمايدى. ناقتىراق ايتقاندا جۇمىس ۇدەرىسى كەزىندە جەر ءۇستى استان-كەستەن بولىپ قوپارىلمايدى. ءارى سۋ جۇيەلەرى ايىرىلمايدى.
- بۇل سالالىق تەرمين تىلىندە سوناتسيا ءتاسىلى دەپ اتالادى. ونى اقساي قالاسىنداعى كارىز جۇيەلەرىن جاڭعىرتۋ كەزىندە تۇساۋكەسەر جوبا رەتىندە تۇڭعىش رەت قولدانعان ەدىك. ونى پايدالانۋ ارقىلى حالىقتار دوستىعى كوشەسىنەن سىرىم داتوۆ جانە تەمىرجول كوشەسىنە دەيىن 1769 مەتر قۇرايتىن جەر استى كارىز جۇيەلەرى كۇردەلى جوندەۋلەردەن وتكىزىلۋدە. قازىر قۇبىر اۋىستىرۋ جۇمىستارى مارەگە تاياپ كەلەدى. جوبانىڭ جالپى قۇنى 553 ميلليون تەڭگە قۇرايدى, دەيدى تىڭ ءتاسىل جونىندە ءبورلى اۋدانىنىڭ اكىمى ميرجان ساتقانوۆ.
