ساياسات • 28 قىركۇيەك، 2020

قازاقستان ەلشىسى يسپانيا كونگرەسىنىڭ توراعاسىمەن كەزدەستى

3 رەت كورسەتىلدى

قازاقستاننىڭ يسپانياداعى ەلشىسى كونستانتين جيگالوۆ كونگرەسس توراعاسى مەريتچەل باتەتپەن كەزدەستى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

كەزدەسۋ بارىسىندا تاراپتار حالىقارالىق ماسەلەلەردىڭ وزەكتى سۇراقتارىن جانە ستراتەگيالىق سەرىكتەستىككە سايكەس ەكىجاقتى كۇن تارتىبىندەگى كەڭ اۋقىمدى ماسەلەلەردى تالقىلادى.

ەلشى مەن م.باتەت ەكى ەل باسشىلىقتارىنىڭ ەكونوميكانى تۇراقتاندىرۋ، ونى پاندەميا مەن كوروناۆيرۋستان كەيىنگى كەزەڭ اياسىندا ىنتالاندىرۋ مەن قايتا قۇرىلىمداۋ بويىنشا قابىلداعان شارالارى تۋرالى اقپاراتپەن الماستى. وسىعان وراي ك.جيگالوۆ يسپانيا كونگرەسسىنىڭ سپيكەرىن پرەزيدەنت ق.توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» جولداۋىنىڭ نەگىزگى باعىتتارىمەن تانىستىرىپ، ونىڭ سويلەگەن ءسوزىنىڭ يسپان تىلىنە اۋدارىلعان كىتاپشاسىن بەردى.

سونىمەن قاتار، تاراپتار قازاقستان مەن يسپانياداعى ىشكى ساياسي احۋال تۋرالى، ەكى ەلدىڭ پارلامەنتتەرىنىڭ ىندەت جاعدايىنداعى جۇمىسىنىڭ نەگىزگى باعىتتارى مەن ەرەكشەلىكتەرى تۋرالى اقپاراتپەن ءبولىسىپ، پارلامەنتارالىق ىنتىماقتاستىقتى، ونىڭ ىشىندە ەپيدەميولوگيالىق احۋال قالىپقا كەلگەننەن كەيىن جوعارى دەڭگەيدەگى ساپارلارمەن الماسۋ مەن قازاقستان-يسپانيا پارلامەنتارالىق دوستىق توبىن قۇرۋ باعىتىندا جۇمىستى جالعاستىرۋعا نيەت ءبىلدىردى.

جاھاندىق ماسەلەلەردى تالقىلاۋ شەڭبەرىندە ك.جيگالوۆ پەن م.باتەت بۇۇ باس اسسامبلەياسى 75-سەسسياسىنىڭ جالپىساياسي دەباتتارىن وتكىزۋ ماڭىزدىلىعىن اتاپ ءوتتى. ەلشى كونگرەسس باسشىسىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ سويلەگەن ءسوزىنىڭ نەگىزگى ۇزىندىلەرىمەن تانىستىردى.

اتاپ ايتقاندا ك.جيگالوۆ سۇحباتتاسۋشىنىڭ نازارىن قازاقتىڭ ۇلى ويشىلى ابايدىڭ ادامزاتقا كەرەگى سۇيمەك، سەزبەك، كەيىمەك، قارەكەت قىلماق، جۇگىرمەك، اقىلمەن ويلاپ سويلەمەك دەگەن پاراساتتىلىق پەن دانالىققا تولى سوزدەرىنە اۋدارىپ، ول اقىن ءۇشىن عالامدىق ءوزارا ارەكەتتەسۋدىڭ جەمىستى فورمۋلاسى بولعانىن جەتكىزدى.

يۋنەسكو-نىڭ اياسىندا 175 جىلدىق مەرەيتويى كەڭ كولەمدە اتالىپ ءوتىپ جاتقان قازاقتىڭ ۇلى اعارتۋشىسىنىڭ دانا سوزدەرىنەن تەرەڭ اسەر العان م.باتەت ولاردى بۇگىنگى كۇنگە دەيىن بۇكىل ادامزات ءۇشىن وتە وزەكتى دەپ اتادى.

كەزدەسۋ سوڭىندا ك.جيگالوۆ ەكىجاقتى مادەني-گۋمانيتارلىق سالاداعى جەمىستى ەكىجاقتى ىنتىماقتاستىقتى اتاپ ءوتىپ، م.باتەتكە جۋىردا يسپان تىلىنە اۋدارىلعان اۆتوردىڭ ولەڭدەرى مەن «قارا سوزدەرى» ەنگەن «اباي» كىتابىن سىيعا تارتتى. سونىمەن قاتار، يسپانيادا قازاق پروزاسى مەن پوەزيانىڭ انتولوگياسىنىڭ سەرۆانتەس تىلىنە اۋدارماسى ۇلكەن قاناعاتتانۋشىلىقپەن قابىلداندى.

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

ۇقساس جاڭالىقتار