قاۋلىعا سايكەس, ويىن-ساۋىق ورىندارىنىڭ (كاراوكە, بيليارد, كومپيۋتەرلىك كلۋبتار, تۇنگى كلۋبتار, بوۋلينگ ورتالىقتارى, جابىق ءۇي-جايلارداعى بالالاردىڭ ويىن الاڭدارىمەن اتتراكتسيوندار, باتۋتتار جانە باسقالارى), كينوتەاترلاردىڭ (اشىق اۋاداعى كينوتەاترلاردى قوسپاعاندا), بۋكمەكەرلىك كەڭسەلەردىڭ قىزمەتىنە تىيىم سالىنىپ وتىر. ال مەملەكەتتىك ورگانداردىڭ (ۇيىمداردىڭ, كاسىپورىنداردىڭ), كۆازيمەملەكەتتىك سەكتورلاردىڭ, ۇلتتىق كومپانيالاردىڭ, وزگە دە ۇيىمداردىڭ, سونداي-اق, رۇقسات ەتىلگەن كاسىپكەرلىك سۋبەكتىلەردىڭ قىزمەتىنە الەۋمەتتىك قاشىقتىقتى جانە كۇشەيتىلگەن سانيتارلىق-دەزينفەكتسيالىق رەجيمدى ساقتاي وتىرىپ رۇقسات بەرىلدى. سونىمەن بىرگە قىزمەتكەرلەردىڭ كەمىندە 50%-ى (شتات كەستەسىندە 30-دان استام قىزمەتكەر بولعاندا) قاشىقتان جۇمىس رەجيمى ساقتالادى.
ءبىر مەزگىلدە جابىق عيماراتتاردا, اشىق الاڭداردا 50 ادامنان اسپايتىن, كەمىندە 2 مەتر الەۋمەتتىك قاشىقتىقتى جانە كۇشەيتىلگەن سانيتارلىق-دەزينفەكتسيالىق رەجيمدى ساقتاي وتىرىپ, ءبىر وتباسى مۇشەلەرىن قوسپاعاندا ءبىر ۇستەلگە 4 ادامنان اسپايتىن ادام سانىنا وتىرۋعا رۇقسات ەتىپ, ۇجىمدىق ءىس-شارالاردى وتكىزبەي, قوعامدىق تاماقتاندىرۋ وبەكتىلەرىنىڭ (كافەلەر, مەيرامحانالار جانە باسقالار) قىزمەتىنە ساعات 08:00-دان 00:00-گە دەيىن رۇقسات بەرىلىپ وتىر.
ماسكا رەجيمى مەن تەڭىز كەن ورنى اۋماعىندا بۇعان دەيىن ەنگىزىلگەن كارانتين رەجيمى ساقتالادى.
