پارلامەنت • 28 قىركۇيەك، 2020

سەناتتىڭ كەزەكتى وتىرىسىنىڭ كۇن ءتارتىبى بەلگىلەندى

14 رەت كورسەتىلدى

پالاتا توراعاسى ماۋلەن اشىمباەۆتىڭ توراعالىعىمەن وتكەن سەنات بيۋروسىنىڭ وتىرىسى بارىسىندا دەپۋتاتتار سەناتتىڭ الداعى وتىرىسىنىڭ كۇن ءتارتىبىن تالقىلادى جانە ماجىلىستەن كەلىپ تۇسكەن زاڭ جوبالارى كوميتەتتەر اراسىندا ءبولىنىپ بەرىلدى، دەپ حابارلايدى Egemen.kz

بيۋرو وتىرىسىندا سەناتتىڭ 1 قازاندا وتەتىن الداعى وتىرىسىنىڭ كۇن ءتارتىبى بەلگىلەندى. وتىرىستا دەپۋتاتتار "2012 جىلعى 3 مامىردا ليۋكسەمبۋرگتە قول قويىلعان حاتتامامەن ەنگىزىلگەن وزگەرىستەردى ەسكەرە وتىرىپ، 2008 جىلعى 26 ماۋسىمدا استانادا قول قويىلعان قازاقستان رەسپۋبليكاسىنىڭ ۇكىمەتى مەن ليۋكسەمبۋرگ ۇلى گەرتسوگتىگىنىڭ ۇكىمەتى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسياعا تولىقتىرۋ ەنگىزۋ تۋرالى حاتتامانى راتيفيكاتسيالاۋ تۋرالى" زاڭ جوباسىن قارايتىن بولدى.

ودان باسقا، سەناتورلار "2007 جىلعى 27 ماۋسىمداعى شانحاي ىنتىماقتاستىق ۇيىمىنا مۇشە مەملەكەتتەر اراسىنداعى بىرلەسكەن اسكەري وقۋ-جاتتىعۋلار وتكىزۋ تۋرالى كەلىسىمگە تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى" زاڭ جوباسىن قاراۋعا شىعاردى.

سونىمەن قاتار بيۋرودا ماجىلىستەن كەلىپ تۇسكەن زاڭ جوبالارى دا ءبولىنىپ بەرىلدى. قارجى جانە بيۋدجەت كوميتەتى "2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ، سونداي-اق جەكەلەگەن حالىقارالىق شارتتاردىڭ قولدانىسىن وزگەرتۋ جانە توقتاتۋ تۋرالى حاتتامانى راتيفيكاتسيالاۋ تۋرالى" جانە "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىنە (سالىق كودەكسى) جانە "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى" زاڭ جوبالارى بويىنشا باس كوميتەت بولىپ بەلگىلەندى.

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار