ايماقتار • 28 قىركۇيەك، 2020

اتىراۋدا شاتىردان سەكىرۋگە وقتالعان بالا قۇتقارىلدى

103 رەت كورسەتىلدى

بۇل وقيعا كەشە، 27 قىركۇيەكتە ساعات 16:00 شاماسىندا بولعان. ب.مومىش ۇلى كوشەسىندەگى  كوپقاباتتى ءۇيدىڭ پاتەرىندە جالعىز قالعان ءجاسوسپىرىم تومەندەگى دۇكەن شاتىرىنا بالكون ارقىلى شىعىپ، جەرگە سەكىرۋگە وقتالعان، دەپ حابارلايدى Egemen.kz

سول ماڭداعى مودۋلدىق پوليتسيا بەكەتىندە كەزەكشىلىكتە بولعان پاترۋلدىك پوليتسيا باتالونى قىزمەتىنىڭ ينسپەكتورى، پوليتسيا كىشى لەيتەنانتى نۇربول سايىپ بۇل تۋرالى حابار الىسىمەن وقيعا ورنىنا جەدەل جەتكەن. ول دۇكەن شاتىرىنان سەكىرۋگە وقتالعان ءجاسوسپىرىمدى جەرگە ءتۇسىرىپ الدى. 

"كەيىن بەلگىلى بولعانداي، 11 جاسار دياستى اناسى ۇيدە جالعىز قالدىرىپ، پاتەردى سىرتىنان كىلتتەپ كەتكەن. سول كەزدە  بەلگىسىز بىرەۋلەر ەسىكتى قاتتى سوققىلاپ، اشۋدى تالاپ ەتكەن. قورىققان بالا تومەندە ورنالاسقان دۇكەن شاتىرىنا بالكون ارقىلى شىعىپ كەتكەن"، دەپ حابارلادى دەپارتامەنتتىڭ ءباسپاسوز قىزمەتى.

دياستىڭ دۇكەن شاتىرىنان سەكىرۋىنە جول بەرمەي، جەدەل ارەكەت ەتكەن  پوليتسيا كىشى لەيتەنانتى نۇربول سايىپقا ونىڭ اناسى  العىسىن ءبىلدىردى.

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار