ەلوردا • 28 قىركۇيەك، 2020

ەلوردادا ساتىپ الۋ قۇقىعىمەن جالعا بەرىلەتىن تۇرعىن ۇيگە قۇجات قابىلداۋ باستالدى

123 رەت كورسەتىلدى

نۇر-سۇلتاندا ساتىپ الۋ قۇقىعىمەن جالعا بەرىلەتىن تۇرعىن ۇيگە قۇجات قابىلداۋ باستالدى، دەپ حابارلايدى Egemen.kz ەلوردا اكىمدىگىنە سىلتەمە جاساپ. 

كەزەككە تۇرعاندارعا 224 پاتەردى پايدالانۋعا بەرۋ جوسپارلانىپ وتىر.

بۇگىن نۇر-سۇلتاندا ساتىپ الۋ قۇقىعىمەن جالعا بەرىلەتىن تۇرعىن ءۇي الۋعا قۇجات قابىلداۋ باستالدى. بۇل باعىتقا قاتىسۋعا ءوتىنىمدى 7 قازانعا دەيىن جىبەرۋگە بولادى.

"باعدارلاماعا تۇرعىن ءۇي كەزەگىندە تۇرعان جانە نۇر-سۇلتان اكىمدىگىنە ۆەدومستۆولىق باعىنىستى مەكەمەلەرىنىڭ ءبىلىم بەرۋ، دەنساۋلىق ساقتاۋ، مادەنيەت، سپورت جانە الەۋمەتتىك قورعاۋ سالاسى قىزمەتكەرلەرى، سونداي-اق پوليتسيا جانە توتەنشە جاعدايلار دەپارتامەنتتەرىنىڭ بارلىق ساناتتاعى ازاماتتارى قاتىسا الادى"، دەپ حابارلادى ەلوردانىڭ تۇرعىن ءۇي قورى.

ن.تىلەنديەۆ داڭعىلىندا، سارى بۇلاق بويىندا ورنالاسقان "جاڭا قونىس" تۇرعىن ءۇي كەشەنىنەن جانە س.تورايعىروۆ كوشەسىندە ورنالاسقان "كەرەمەت" تۇرعىن ءۇي كەشەنىنەن 224 پاتەردى جالعا بەرۋ جوسپارلانعان.

الەۋمەتتىك تۇرعىن ءۇي الۋشىلارى اي سايىن ءار شارشى مەترى ءۇشىن 1455 تەڭگە تولەۋى كەرەك. ەڭ كوپ جالداۋ مەرزىمى – 20 جىل. ول اياقتالعاننان كەيىن تۇرعىن ءۇي جالعا الۋشىنىڭ مەنشىگىنە وتەدى.

"ۇمىتكەرلەر وتباسى قۇرامىنا قاراماستان 1،2،3 بولمەلى پاتەرلەرگە ءوتىنىش بەرە الادى. الايدا، تاڭدالعان پاتەر ءتۇرىن الۋعا كەلىسىم بەرۋ ولاردىڭ تولەم قابىلەتىنە تىكەلەي بايلانىستى. مىسالى، اۋدانى 37 شارشى مەتر بولاتىن ءبىر بولمەلى پاتەردى جالعا الۋ ايىنا 53 835 تەڭگەنى قۇرايدى. بۇل جاعدايدا وتباسى ءۇشىن شامامەن الىنعان كىرىس باسقا مىندەتتەمەلەردى قوسپاعاندا كەم دەگەندە 110 000 تەڭگەنى قۇراۋى كەرەك"، – دەلىنگەن حابارلامادا.

وتىنىشتەر zhilfond.kz سايتى ارقىلى قابىلدانادى. بۇل رەسۋرستا" ونلاين قىزمەتتەر" بولىمىندە "ساتىپ الۋ قۇقىعىمەن جالعا بەرىلەتىن تۇرعىن ۇيگە ءوتىنىش بەرۋ (قيك)" تەرەزەسى پايدا بولدى. ءوتىنىشتى قالدىرۋ ءۇشىن ءوتىنىم بەرۋشىلەردە ەتسق كىلتى جانە جۇمىس ورنىنان انىقتاما بولۋى كەرەك.

جالعا بەرىلەتىن تۇرعىن ءۇيدى الۋشىلاردى ىرىكتەۋ تىركەۋ كۇنىنە سايكەس جۇزەگە اسىرىلادى. ءارى قاراي، الەۋەتتى جالعا الۋشىلار تولەم قابىلەتتىلىگىن جانە باسقا ماسەلەلەردى راستاۋ ءۇشىن وسى تۇرعىن ءۇي باعدارلاماسىنىڭ وپەراتورى "قازاقستاندىق يپوتەكالىق كومپانيا" اق-عا جۇگىنۋى كەرەك. قيك سەنىم تەلەفونى: 8 800 080-44-48.

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

ۇقساس جاڭالىقتار