ايماقتار • 26 قىركۇيەك، 2020

پاۆلودار وبلىسىندا تاعى ەكى اۋىلدان قۇس تۇماۋى انىقتالدى

13 رەت كورسەتىلدى

پاۆلودار وبلىسىندا تاعى ەكى اۋىلدان قۇس تۇماۋى انىقتالدى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

جەلەزين اۋداندىق كاسىپكەرلىك جانە اۋىل شارۋاشىلىعى ءبولىمىنىڭ باسشىسى باۋىرجان قاڭتارباەۆتىڭ ايتۋىنشا، جاڭا جۇلدىز اۋىلىندا 1 قىركۇيەكتەن باستاپ 2187 باس قۇس ولگەن.

ء«بىز العان ناتيجەلەر وڭ بولىپ شىعىپ، دەرەۋ جەردى جىرتىپ، اۋىل شەتىنە بەكەت ورناتتىق. دۇيسەنبىگە قاراي ءبىز جوعارى پاتوگەندى قۇس تۇماۋىنىڭ انىقتالۋىنا بايلانىستى جاڭا جۇلدىز اۋىلىنىڭ اۋماعىندا كارانتين ورناتۋ تۋرالى اۋىلدىق وكرۋگ اكىمىنىڭ شەشىمىنىڭ زاڭدى راستاماسىن الامىز»، - دەدى باۋىرجان قاڭتارباەۆ.

ەپيزووتياعا قارسى توپتىڭ قىزمەتكەرلەرى قازىردىڭ وزىندە جەلەزين اۋدانىنداعى اقتاۋ اۋىلىندا 1500-گە جۋىق قۇستىڭ 300-گە جۋىق باسىن ۇستاپ، كوزىن جويعان. بۇندا كارانتين 23 قىركۇيەكتە ەنگىزىلدى.

قر اشم ۆەتەرينارلىق باقىلاۋ جانە قاداعالاۋ كوميتەتى پاۆلودار وبلىستىق اۋماقتىق ينسپەكتسياسىنىڭ باسشىسى راشيد نۇربەكوۆ ەرتىس اۋدانىنداعى اعاشورىن اۋىلىندا 56 ءۇي قۇسى ءولىپ، ساراپتاما ناتيجەسى قۇس تۇماۋىن انىقتاعانىن ايتتى.

«ەرتەڭ ءبىز ول جەرگە تۇرعىندارمەن ءتۇسىندىرۋ جۇمىستارىن جۇرگىزۋ ءۇشىن بارامىز. اۋىل اكىمىنىڭ شەشىمى تىركەلگەن بويدا قۇستاردى ۇستاپ، جوياتىن بولامىز»، - دەيدى راشيد نۇربەكوۆ.

سوڭعى جاڭالىقتار

ۇقساس جاڭالىقتار