مەديتسينا • 25 قىركۇيەك، 2020

اتىراۋدا 2 ناۋقاس ينفەكتسيالىق اۋرۋحانانىڭ جانساقتاۋ بولىمىندە جاتىر

179 رەت كورسەتىلدى

بۇل تۋرالى №2 وبلىستىق ينفەكتسيالىق اۋرۋحانانىڭ ءبولىم مەڭگەرۋشىسى جانتورە ورىسباەۆا ءمالىم ەتتى، دەپ حابارلايدى Egemen.kz

"پاندەميا كەزىندە №2 وبلىستىق ينفەكتسيالىق اۋرۋحاناعا كوروناۆيرۋس ينفەكتسياسىمەن تۇسكەن ناۋقاستاردىع 94 پروتسەنتى ساۋىعىپ شىقتى. ال 3،4 پايىزى ءولىم جاعدايىمەن اياقتالدى. قايعىلى جاعدايدىڭ ورىن الۋى، بىرىنشىدەن، ناۋقاستاردىڭ دارىگەرگە كەشىگىپ حابارلاسۋىنان بولىپ وتىر. ەكىنشىدەن، ناۋقاستاردا بۇرىنعى سوزىلمالى اۋرۋى اسقىنعان. اۋرۋحانادان كورونوۆيرۋس ينفەكتسياسىمەن 30 بالا، 134 جۇكتى ايەل ەمدەلىپ شىقتى. ءتورت ايەلگە شۇعىل وتا جاسالدى. جۇكتى ايەلدەردى قوسىمشا اۋرۋلارىنا بايلانىستى ەندوكرينولوگ، گەماتولوگ، كارديولوگ سەكىلدى ارنايى دارىگەرلەردەن ونلاين كەڭەس الۋ ارقىلى ەمدەدىك"، دەدى جانتورە ورىسباەۆا.

ونىڭ مالىمەتىنە سۇيەنسەك، قازىر اتالاعان اۋرۋحانادا 28 ناۋقاس ەم قابىلداپ جاتىر. ونىڭ ىشىندە 10 ناۋقاسقا كورونوۆيرۋستى پنەۆمونيانىڭ انىقتالعان ءتۇرى، قالعان ەمدەلۋشىگە كورونوۆيرۋس ءتيپتى پنەۆمونيا دياگنوزى قويىلىپ وتىر. ال جانساقتاۋ بولىمىندە ەكى ناۋقاس بار.

سوڭعى جاڭالىقتار

ۇقساس جاڭالىقتار