ەلوردا • 25 قىركۇيەك، 2020

"نۇر-سۇلتان 1" تەمىرجولىنداعى تۇراق پلاتفورماسى جاڭارتىلدى

15 رەت كورسەتىلدى

28 قىركۇيەكتەن باستاپ "نۇر-سۇلتان 1" تەمىر جول الاڭىنداعى (ەسكى ۆوكزال) تۇراقتا جاڭارتىلعان پلاتفورما ىسكە قوسىلادى، دەپ حابارلايدى Egemen.kz

جاڭارتىلعان تۇراق پلاتفورماسى پايدالانۋشىلاردى تۇراق اۋماعىنا كىرۋ، اقى تولەۋ جانە ودان شىعۋ سياقتى قاجەتتى قىزمەتتەر كەشەنىمەن قامتاماسىز ەتەدى.

تۇراق ءۇشىن تولەمدى ەندى پاركوماتتان بولەك، باسقا دا تاسىلدەرمەن جاساۋعا بولادى. ول: موبيلدىك قوسىمشا، سايت، كاسسا، Qiwi جانە Kaspi.kz. ارنايى nsparking.kzء موبيلدى قوسىمشاسى دايىندالىپ، ىسكە قوسىلدى (App Store جانە Google play)، nsparking.kz رەسمي سايتى جاسالدى.

nsparking.kz سايتىنداعى جەكە كابينەت جانە nsparking.kz ءموبيلدى قوسىمشا ارقىلى پايدالانۋشى كولىك قۇرالىنىڭ مەملەكەتتىك ءنومىرى بويىنشا نەمەسە تۇراق كارتاسىنىڭ ءنومىرى بويىنشا ءوزى ءۇشىن دە جانە باسقا پايدالانۋشى ءۇشىن دە تولەم جاساي الادى، جەكە شوتىن تولىقتىرادى، تۇراق قىزمەتى مەن قولدانىستاعى تاريفتەر تۋرالى اقپارات الادى، سونداي-اق تولەمدەر مەن تۇراق سەسسيالارىنىڭ تاريحىن قاداعالايدى.

1

سونداي-اق تۇراق باعدارلاماسى Qiwi جانە Kaspi.kz تولەم جۇيەلەرىمەن بىرىكتىرىلگەن. تەمىرجول ۆوكزالى عيماراتىندا QIWI تەرمينالدارى ارقىلى تولەۋگە بولادى، وندا باستى ەكرانعا nsparking.kz ورنالاستىرىلعان. تولەم جاساۋ ءۇشىن پايدالانۋشىعا كولىك قۇرالىنىڭ مەملەكەتتىك ءنومىرىن نەمەسە تۇراق كارتاسىنىڭ ءنومىرىن ەنگىزۋ قاجەت. دەربەس شوتتى nsparking.kz قوسىمشا ارقىلى تولىقتىرۋعا بولادى.

تەمىر جول  عيماراتىندا اقى تولەۋ پاركوماتى قويىلدى. تولەمدى قولما-قول اقشامەن دە، اقشاسىز تاسىلمەن دە جۇرگىزۋگە بولادى. سونداي-اق بانكتىك كارتامەن بايلانىسسىز جانە بايلانىس تاسىلدەرىمەن تولەۋگە بولادى. ۇيالى تەلەفون مەن بانك كارتاسى ارقىلى تولەمدى NFC ارقىلى جاساۋعا مۇمكىندىك بار. تۇراق كەڭىستىگىن پايدالانۋ باعاسى وزگەرگەن جوق.

موبيلدىك قوسىمشالاردا، سايتتا جانە Qiwi تەرمينالدارىندا تولەم جاساۋ مۇمكىندىگى جوق پايدالانۋشىلار ءۇشىن وپەراتوردىڭ تاۋلىك بويى تولەم قابىلداۋ ورنى قاراستىرىلعان.

سۇراقتار تۋىنداعان جاعدايدا 24/7 رەجىمىندە وپەراتورمەن بايلانىسۋعا بولادى. ول ءۇشىن كىرۋ جانە شىعۋ باعاندارىندا IP-بايلانىس قۇرىلعىلارى ورناتىلعان.

تۇراق پلاتفورماسىن جاڭالاۋ بارىسىندا نۇر-سۇلتان قالاسىنىڭ اۋا رايى ەسكەرىلدى. تۇراق جابدىقتارى -50 س°دەيىنگى تەمپەراتۋرادا جۇمىس ىستەي الادى.

تۇراق پلاتفورماسىنىڭ ماڭىزدى جاڭالىقتارىنىڭ ءبىرى – كولىك قۇرالدارىنىڭ مەملەكەتتىك تىركەۋ نومىرلەرىن تانۋ. تۇراق پايدالانۋشىلارى كىرۋ كارتالارىن ءبىر-بىرىمەن الماستىرا المايدى نەمەسە تۇراق ۋاقىتىن تولەمەي كەتە المايدى.

سوڭعى جاڭالىقتار

ۇقساس جاڭالىقتار